VOV4.Xơ Đăng - Hơnăm kố, Kŏng ti xiâm On tơhrik peăng Tơdế pơkâ kum 3,5 rơtal liăn sap ing Khu râng liăn tŏng kum pơlê pơla vâ mơjiâng pro 70 toăng hngêi tơrŭm diâp ăm mâu rơpŏng ki châ tơnêi têa tŏng kum, mâu ngế ai hnoăng, mâu rơpŏng ki tro tơdjâk xua pơreăng COVID-19, rơpŏng kơtiê ƀă hên ki ê a 13 to kong pơlê peăng Tơdế tơnêi têa – Tây Nguyên. Kŏng ti xiâm On tơhrik peăng tơdế pơcháu ăm 13 to Kŏng ti On tơhrik ƀă Kŏng ti tê mơdró On tơhrik peăng Tơdế tơbleăng tơrŭm krá tơniăn ƀă khu kăn pơkuâ vâ rah xo mâu ngế ki kal châ tŏng kum.

Hơnăm nah, Kŏng ti xiâm On tơhrik peăng tơdế hiăng kum va chê 36 rơtal liăn ăm Khu râng liăn roê vaccine hbrâ mơdât pơreăng kân COVID-19 ƀă mâu tơdroăng cheăng tŏng kum rêh ối pơlê pơla ki ê a mâu kong pơlê, pơlê kong kân peăng Tơdế tơnêi têa – Tây Nguyên.

Katarina Nga tơplôu ƀă tơbleăng