VOV4.Xơ Đăng - Pôa Lê Minh Khái, Ngế pro xiâm phŏ hnê ngăn tơnêi têa nếo kĭ pơkâ ‘na liăn mung ƀă mâu hok tro, sinh viên kơtiê xơpá vâ rôe kơmăi tĭnh, tơmeăm xúa tung hriâm tiô troăng hyôh Internet. Pơkâ tối nhên, hok tro, sinh viên thế pêi pro tiô pơkâ mung liăn kơ’nâi: Má môi, cho ngế tung rơpŏng hngêi dêi mâu rơpŏng kơtiê, rơpŏng vâ chê kơtiê, rơpŏng ai kơlo rêh ối ôh tá kro tơ ôh tá kơtiê tiô pơkâ dêi luât lơ rơpŏng kơtiê xơpá xua tơdjâk pơreăng COVID-19 (ai pâ lơ nôu hiăng hlâ, lơ nôu pâ hiăng hlâ xua pơreăng COVID-19).

Má péa, ôh tá ai kơmăi tính, tơmeăm ai tŭm tiô púi vâ hriâm tơdrêng ƀă hâi châ xúa tơdroăng tŏng kum ăm kơmăi tĭnh, tơmeăm xúa tung hriâm tiô troăng Internet ing mâu tơdroăng. Kơlo liăn ăm mung ki hên 10 rơtuh liăn/hok tro, sinh viên. Hâi khế ăm mung ki hên 36 khế, liăn rơkâ ăm mung 1,2% tung hơnăm. Liăn rơkâ ối che\n luâ tơdroăng ƀă liăn rơkâ mung rơpŏng kơtiê a rôh mung. Pơkâ xêt xap hâi lơ 4/4/2022.

Gương tơplôu ƀă tơbleăng