Hâi lơ 28/10, mâu kăn teăng mâ Kuô̆k hô̆i pơtối tơpui tơno a Hngêi hôp kân ‘na tơdroăng châ tơƀrê pêi pro pơkâ mơnhông mơdêk cheăng kâ – rêh ối pơlê pơla hơnăm 2022; tiô tối hdrối pơkâ pêi mơnhông mơdêk cheăng kâ – rêh ối pơlê pơla hơnăm 2023; Tơdroăng pêi pro, pêi tơ’mot, ‘no hrê liăn mơjiâng cheăng tơnêi têa hơnăm 2022, tiô tối hdrối mơ’no liăn ngân tơnêi têa, pơkâ mơ’no liăn tơnêi têa xo ing liăn ngân tơnêi têa, túa xing xoăng liăn ngân tơnêi têa hơnăm 2023.

Mâu kăn veăng roh hôp tơpui tơno

Tung roh hôp a kơxo má, mâu kăn teăng mâ pơkâ mâu troăng hbrâ mơdât teăm tơdrêng ‘na yă têa châu têa kơxăng to kơnâ; tơleăng mâu tơdroăng tơkêa bro mơ’no liăn cheăng ki tro lŭp; pơkâ thế po rơdâ tâ troăng hơlâ laga thế pêi châ tơƀrê tung mơ’no liăn cheăng tơnêi têa vâ ví ôh tá tơniăn ‘na cheăng kâ kân.

Jâ Đào Hồng Lan, Ngế xiâm pơkuâ ngăn pơkeăng ƀă khăm pơlât tiâ tối a ngiâ Kuô̆k hô̆i

A roh hôp, mâu kăn teăng mâ xuân pơkâ thế séa ngăn ăm phêp pơtối pro ton hâi khế pêi pro tơdroăng pơkâ hâi khế xêt khât ‘na hlá mơ-éa kĭ ăm tê pơkeăng vâ tah lôi tơdroăng ôh tá bê pơkeăng, tơmeăm khăm pơlât, tơniăn tơdroăng khăm pơlât ăm kuăn pơlê. Mâu kăn mơnhên: ôh tá ai pơkeăng vâ pơlât cho ai xôi kân ƀă kuăn pơlê.