A rôh hôp mê, Kuô̆k hô̆i kô tăng, tơbleăng 10 tơdroăng tơkêa bro Luât. Kơxo kố, Kuô̆k hô̆i tơpui tơno a hngêi hôp kân ‘na troăng rơhlâ ‘no liăn mơjiâng pro tơdroăng tơkêa bro mơjiâng troăng kân tơdrăng lĕm Peăng Kơnhóng - Peăng Hdroh ‘na Mâ Hâi Lu pơla Gia Nghiã (Dak Nông) - Chơn Thành (Bình Phước).

Xuân peăng kơxo, Kuô̆k hô̆i tơpui ‘na tơdroăng ‘mâi hơ’lêh troăng rơhlâ ‘no liăn mơjiâng tơmeăm khoăng dêi tơnêi têa ‘na mơnhông cheăng kâ rêh ối kơpong hdroâng kuăn ngo kong ngo pơla hơnăm 2021-2030. Kố cho môi tung mâu troăng hơlâ ki kân, châ tơbleăng pêi tung lâp tơnêi têa ƀă tơkŭm pêi a mâu cheăm, thôn kơpong kuăn ngo  ƀă kong ngo. Peăng kơxêi, Kuô̆k hô̆i tơpui a tôh ‘na: Tơdroăng tơkêa bro Luât Công chứng (‘mâi hơ’lêh) ƀă Tơdroăng tơkêa bro Luât  Pro hnoăng mơhá rơkâ tơ’nôm (‘mâi hơ’lêh).