Pơtối hôp rôh má 4, kơxo lơ 2/11, Kuô̆k hô̆i tơpui tơno a tôh ‘na tơdroăng tơkêa luât Kring vế hnoăng mơngế rôe xúa (‘mâi hơ’lêh). Tơdroăng châ hên mâu kăn tơmâng tơpui tơno, mê cho kring vế mơngế rôe xúa, malối ‘na tê mơdró tung măng. Mâu kăn vâ môi tuăn ƀă tơdroăng tâng kal khât pơkâ tơdroăng tơkêa bro luât ƀă mâu tơdroăng ki tối chêh tung hlá mơ-éa Tơbleăng ăm Chin phuh, la thế tơtrŏng ‘na mơnhông mâu troăng tê mơdró, mơngế rôe xúa ki nếo; kal thế rak tơniăn hnoăng dêi kuăn mơngế, hnoăng ki pơxúa ăm mơngế rôe xúa.

Pôa Nguyễn Hồng Diên, Ngế xiâm ngăn ‘na tê mơdró

Ki vâ tối ai mâu tơdroăng pro xôi hnoăng dêi mơngế rôe xúa tâk rĕng, la tơdroăng tơbriât hâi hlo tơ ƀrê. A tôh tơpui tơno, pôa Nguyễn Hồng Diên, Ngế xiâm ngăn tê mơdró - Khu kăn kong pơlê Hải Phòng tối nhên; ‘na tơdroăng kring vế mơngế rôe xúa, malối ‘na tê mơdró tung măng, kố cho tơdroăng ki kal châ Ngế xiâm pơkuâ ƀă mâu kơ koan chêh klêi hâi khế. Môi tiah pơkâ kĭ tơhrâ cheăng tiô túa tung tê mơdró tơmeăm ƀă điê̆n tưh, tơmeăm mê thế rak krá lĕm drêng tê mơdró.