VOV4.Xơ Đăng - Kơmăng hâi lơ 28/4, Tíu xiâm khu lo tŏng veăng Việt Nam tơrŭm ƀă Vi ƀan kong pơlê Thừa Thiên Huế kô tơkŭm po leh mơhnhôk pêi pro Khế tŏng kum hơnăm 2022 bă pơxá ‘’Rơtế tơrŭm ƀă kuăn pơlê, plâ mơdât pơreăng tơdroăng pêi pro ‘na tŏng kum ƀă leh tơbâ Hâi khu lo tŏng veăng tơnêi têa ƀă khu lo tŏng veăng lâp plâi tơnêi lơ 8/5. Khế Tŏng kum hơnăm 2022 tơbleăng tung khế 5, ƀă mâu tơdroăng cheăng tŏng kum mâu kuăn pơlê kơtiê xơpá ing hâi lơ 8/5 troh lơ 19/5.

A leh mơhnhôk khế Tŏng kum mâu ki xơpá hơnăm 2022, Khu lo tŏng veăng Việt Nam pơxiâm pêi pro 2 Tơdroăng ki kal tơbleăng tung 5 hơnăm la ngiâ, mê cho: Tơdroăng: Rak tơniăn ăm kuăn pơlê kơtiê, xơpá’’ ƀă ‘’trếo kơhiâm ăm mâu vâi ‘nĕng kơtiê, mâu ngế cho chêng’’ tung khu. Tơdroăng mê kô pơcháu roh apoăng ăm 14 to kong pơlê, pơlê kong kân tung kơpong Tơdế tơnêi têa; tơkŭm po kơchơ Tŏng kum ăm kuăn pơlê ki kơtiê xơpá tro tơdjâk xua kong prâi pro ôh tá tơniăn, pơreăng tâ tú.     

Gương tơplôu ƀă tơbleăng