Xông tơpui a tơdroăng pêi cheăng, pôa Lương Cường, Kăn pơkuâ hnê ngăn cheăng Đảng mơnhên, tơdroăng ki rak tơniăn ƀă kro mơdrŏng mơnhông tơtêk dêi tơkăng kong Tơnêi têa pêng păm tơdroăng ki veăng kum, tơdroăng ki pleăng dêi kuăn pơlê mâu hdroâng kuăn ngo tối tơdjuôm ƀă mơngế ki kuăn pơlê loi tơngah mâu hdroâng kuăn ngo tối krê.

Kố cho khât cho mâu ‘’Tíu hgiân dêi pơlê’’ a mâu kơpong tơnêi ki xiâm dêi Tơnêi têa Việt Nam hâk git păng ‘nâng. Pôa Lương Cường mơnhên 200 ngế châ pơ-ôu pơ-eăng roh kố cho mâu um méa ki djâ troăng ahdrối rơtế Mô đô̆i gâk tơkăng kong veăng gâk kring troăng tơkăng kong, hdró tơkăng kong tơnêi têa, tơplâ ƀă mâu tơdroăng pro xôi hnoăng pơkuâ tơnêi tơníu.

Pơtâng tối, mơhnhôk kuăn pơlê xăm tối mâu ngế xôi, ôh tá loi, ôh tá tơmâng mâu ngế ki ‘mêi, ôh tá lăm xĕn ối hmâng vâ, pơtâng hnê tơdroăng khôp ki ôh tá tro luât kum veăng gâk kring kal kí, rak tơniăn pơlê pơla dêi kong pơlê.