Roh séa vâ chêh xo tơdroăng ‘na pơ’leăng mâ mơngế ƀă hngêi ối vâ pro xiâm kối mơnhên tơdroăng pêi pro Pơkâ mơnhông cheăng kâ – rêh ối pơlê pơla hneăng hơnăm 2021 – 2025; mơjiâng troăng hơlâ, pro pơkâ pêi pơ’leăng mâ mơngế ƀă hngêi ối kum tung pro pơkâ pêi mơnhông cheăng kâ – rêh ối pơlê pơla hneăng hơnăm 2026 – 2030; séa ngăn pêi pro mâu Pơkâ mơnhông krá tơniăn dêi Khu lâp kong têa ki Chin phuh Việt Nam hiăng tơkêa pêi pro ƀă kum tung tơdroăng riân ‘na pơ’leăng mâ mơngế tung lâp tơnêi têa ƀă rêm kong pơlê.

Ngế ki séa ngăn mê cho rơpŏng kuăn pơlê, pơ’leăng mâ ki ai mâ nôkố dêi rơpŏng. Hâi khế séa ngăn sap ing 0h hâi lơ 1/4 troh tâi hâi lơ 30/4 hơnăm kố. Troăng pêi cho mâu ngế pêi cheăng troh rêm rơpŏng kơ-êng tơdrêng mơngế ki tối tơbleăng tơdroăng. Tiô tối hdrối tơdroăng séa ngăn tâi tâng khu xiâm kô châ tơbleăng a khế 11 ƀă khế 12 hơnăm kố. Mâu tơbleăng mơnhên tơdroăng kô châ tơbleăng a hơnăm 2025.