VOV4.Xơ Đăng - Kơxê lơ 14/1, a Hà Nội, Kong đoàn Viên chưk Việt Nam tơkŭm po Rôh hôp Khu pơkuâ ngăn rôh má 9 po rơdâ vâ Mơgêi hnoăng cheăng kông đoàn hơnăm 2021, tơbleăng hnoăng cheăng hơnăm 2022. Tiô pôa Ngọ Duy Hiểu, kăn xiâm phŏ hnê ngăn Tổng Liên đoàn Lao động Việt Nam, Kăn hnê ngăn Kông đoàn Viên chư̆k Việt Nam: Hơnăm 2022, Kong đoàn viên chưk Việt Nam pơtối hơ’lêh nếo tơdroăng ki kal, mơdêk ki rơkê plĕng tung tơdroăng cheăng kong đoân tung tơdroăng ki teăng mâ, rak ngăn, rak vế hnoăng ki pơxúa tơtro luât, tơtro khât ăm kăn ƀô̆, đoàn viên.

Malối, rôh Têt Lo hơnăm nếo Nhâm Dần, Kông đoàn viên chưk Việt Nam tơkŭm pôu kơ-êng, diâp lối 3 rơpâu kơxuô tơmeăm, “Kơxuô tơmeăm tơrŭm tơdroăng ki pâ nhuô̆m” ăm đoàn viên ki ai tơdroăng rêh ối xơpá tro tơdjâk xua pơreăng COVID-19, đoàn viên ki ai tơdroăng rêh ối xơpá, tro pơreăng ki ôh tá chiâng pơlât prêi, kăn ƀô̆, kông đoàn, mâu ngế pêi cheăng a mâu kong pơlê, pơlê kong kân.

A Sa Ly tơplôu ƀă tơbleăng