VOV4.Xơ Đăng - Klêi kơ’nâi môi hâi lo lăm pơtâng tối môi tuăn khế mơhnhôk pêi pro ƀaoh hiêm tâi tâng kuăn pơlê, tung lâp tơnêi têa hiăng ai lối 22 rơpâu ngế veăng ƀaoh hiêm pơlê pơla ki vâ xêh ƀă lối 53 rơpâu ngế veăng rôe ƀaoh hiêm khăm pơlât rơpŏng. Ƀă dó inâi ‘’Ƀaoh hiêm pơlê pơla – tíu hgiân dêi pin ƀă rơpŏng’’, Leh lo lăm pêi cheăng hơnăm kố tơkŭm pơtâng tối trâu hơngế ‘na ki kơnâ, hnoăng cheăng, ki lĕm tro dêi troăng hơlâ Ƀaoh hiêm pơlê pơla ki vâ xêh, Ƀaoh hiêm khăm pơlât rơpŏng, hnoăng ƀă ki pơxúa drêng veăng; tối nhên kơlo tŏng kum  kơxô̆ liăn ing tơnêi têa, liăn ngân kong pơlê ƀă mơngế ki veăng rôe Ƀaoh hiêm pơlê pơla ki vâ xêh, ƀaoh hiêm khăm pơlât rơpŏng.

Ing mâu roh lo lăm mơhnhôk, kuăn pơlê kô châ achê ƀă mâu troăng hơlâ, ai tơ’nôm ƀâng tơdroăng ki nếo, ing mê thăm veăng rôe ƀaoh hiêm pơlê pơla ki vâ xêh, Ƀaoh hiêm khăm pơlât rơpŏng, kum kêi đeăng pơkâ 28 ‘na pơ’lêh troăng hơlâ Ƀaoh hiêm pơlê pơla.

A Sa Ly tơplôu ƀă tơbleăng