VOV4.Xơ Đăng - Tâi tâng kơxô̆ liăn rôe tơmeăm Têt ƀă phái, kum ăm tơdroăng rêh ối dêi mâu ai hnoăng ki kơtiê, mâu ngế pêi cheăng drêng troh Têt Lo hơnăm nếo Nhâm Dần ai lối 9.280 rơtal liăn ăm lối 57,81 rơtuh ngế. Tung rôh Têt Lo hơnăm nếo Nhâm Dần, mâu kong pơlê hiăng pơtroh teăm tơdrêng tơmeăm teăm dêi Kăn xiâm hnê ngăn tơnêi têa ăm lối 1,56 rơtuh ngế ai hnoăng ƀă kăch măng.

Pakĭng kơxô̆ tơmeăm hbru ăm dêi mâu kơ koan xiâm tơnêi têa, mâu kong pơlê hiăng hbrâ xo liăn ngân kong pơlê ƀă kơxô̆ liăn mơhnhôk tăng vâ rôe tơmeăm hbru ăm mâu ngế kơtiê, mâu ngế ai hnoăng tơnêi têa. Tơdroăng cheăng tŏng kum tơmeăm Têt ăm mâu ngế kơtiê, mâu ngế tơxâng veăng kum dêi pơlê pơla ƀă mơngế pêi cheăng drêng troh Têt Lo hơnăm nếo châ mâu kong pơlê tơmâng khât.

Mâu kong pơlê xuân hiăng tơkŭm lăm pôu, rơkâu, hbru tơmeăm ăm mâu  đông lêng ki dế pêi hnoăng cheăng kring gak tíu tơkăng kong tung rôh Têt, mâu ngế châi ta mo râ, mâu ngế dế pơlât COVID-19.

Gương tơplôu ƀă tơbleăng