VOV4.Xơ Đăng - Tung hơnăm 2022, Khu xiâm pơkuâ loăng pơlái kong kế ƀă kong prâi kô mơjiâng, tơbleăng Kuô̆k hô̆i luât Tơnêi tơníu (‘mâi rơnêu). Kố cho 1 tung 9 hnoăng cheăng ki xiâm dêi kơvâ loăng pơlái kong kế ƀă kong prâi pơkâ tung hơnăm 2022. Pơtối mê, tơdroăng xiâm 'mâi rơnêu tơkŭm troh pơkâ pêi ƀă pơkâ xúa tơnêi tơníu, yă tơnêi ƀă tơdroăng tăng tơnêi, xo tơvêh tơnêi, kơlo pơkâ xúa tơnêi, hâi khế xúa tơnêi ƀă hía hé. Kố cho mâu tơdroăng dế trâm hên tơdroăng tơvâ tơvân, pro pá tung pêi pro mâu tơdroăng tơkêa bro mơnhông mơdêk cheăng kâ – rêh ối pơlê pơla a mâu kong pơlê.

Pôa Trần Hồng Hà, Ngế xiâm pơkuâ loăng pơlái kong kế ƀă kong prâi tối ăm ‘nâi, tơdroăng ‘mâi rơnêu Luât tơnêi tơníu roh kố vâ mơjiâng luât tŭm tơdâng tơ’mô, môi tuăn vâ pơkuâ, xúa châ tơƀrê, pro ăm thăm pơxúa ing tơnêi tơníu tơxâng tiô pơkâ mơnhông mơdêk cheăng kâ – rêh ối pơlê pơla, tơniăn cheăng lêng, gak kring, rak vế kong prâi, kâi trâng ƀă kong prâi hơ’lêh.

A Sa Ly tơplôu ƀă tơbleăng