Tung kơxê lơ 5/6, khu râ kăn pêi cheăng dêi Khu râ kăn pơkuâ kong pơlê Dak Lak hiăng troh lăm pôu ƀă diâp kơxuô tơmeăm ăm mâu jâ pôa 100 hơnăm a tơring Krông Păč, lăm pôu kơ-êng Khu teăng mâ Khu ngế hơnăm hiăng krâ kong pơlê, Kâu lăk ƀô̆ mơngế hiăng pơtê cheăng xua hơnăm hiăng krâ ƀă mơngế krâ kong pơlê, Tíu xiâm tŏng kum pơlê pơlê pơla kong pơlê.

Mâu tơring tung kong pơlê xuân tơkŭm po kơ-êng, diâp kơxuô tơmeăm 1.113 ngế jâ pôa 90 hơnăm ƀă 100 hơnăm. Tâi tâng kơxô̆ liăn kơxuô tơmeăm ƀă mơhá ăm liăn roh kố 1,35 rơtal liăn. Khu mơngế hơnăm hiăng krâ Dak Lak tối ăm ‘nâi: rơtế ƀă tơdroăng rak ngăn ‘na tơdroăng rêh ối, gum ‘na kế tơmeăm khoăng, mâu khu râ pơtối mơdêk tơdroăng rak ngăn ‘na tơdroăng rêh ối hiâm mơno, pro phiu ro vâ mơngế hơnăm hiăng krâ rêh ối phiu ro, mo châ, ai pơxúa.