Dak Lak cho kong pơlê má 4 a kơpong Tây Nguyên châ Khu tơrŭm Ngế tê mơdró Mô đô̆i hneăng hdrối nah Việt Nam diâp kơxop mơ-éa chêh ing tơdroăng ‘’Môi rơtuh kơxop mơ-éa chêh ăm hok tro kơtiê mâu hdroâng kuăn ngo Tây Nguyên ƀă kong pơlê Bình Phước’’. Tơdroăng tơkŭm po kơxo lơ 27/6 a pơlê kong kơdrâm Ƀuôn Ma Thuột, kong pơlê Dak Lak.

Khu tơkŭm po hiăng diâp 200 rơpâu kơxop mơ-éa chêh diâp ăm vâ chê 15.600 ngế hok tro râ má môi kơtiê tung lâp kong pơlê Dak Lak, ƀă ki kơnâ vâ chê 900 rơtuh liăn. Kơxô̆ kơxop hlá mơ-éa kố cho tơdroăng châ tơƀrê ing tơdroăng mơhnhôk “Môi rơtuh kơxop mơ-éa chêh ăm hok tro kơtiê kuăn pơlê mâu hdroâng kuăn ngo Tây Nguyên ƀă kong pơlê Bình Phước’’ xua Khu tơrŭm Ngế tê mơdró mô đô̆i hneăng hdrối nah Việt Nam mơhnhôk, pêi pro tung 2 hơnăm (2023 – 2024).

Kố cho tơdroăng mơhno tơdroăng tơmâng, tŏng gum dêi mâu tíu cheăng ƀă Khu mô đô̆i hneăng hdrối nah mâu râ ƀă rơxông ối nếo vâ kum mơhnhôk, tŏng kum ăm hok tro ai tơ’nôm kơxop mơ-éa vâ troh hngêi trung hriâm tung hơnăm hriâm nếo.