VOV4.Xơ Đăng - Vâ tơniăn ai têa châu têa kơxăng tŭm vâ tê tung tơnêi têa, khu xiâm ngăn ‘na mơdró nếo pơtroh hlá mơ-éa hnê mơhno pơkuâ ‘na tơdroăng rak tơniăn xiâm têa kơxăng pơtroh ăm Khu xiâm ngăn tê mơdró mâu kong pơlê, pơlê kong kân ƀă mâu khu mơdró krê dêi kuăn pơlê ki tê têa kơxăng.

Mê cho, ƀă mâu khu tê mơdró krê dêi kuăn pơlê ki xiâm tê têa châu têa kơxăng, mâu tíu xing xoăng ăm mâu tíu tê: Thế hbrâ rôe ‘măn têa châu, ai troăng rơhlâ pơkâ rôe têa châu vâ tơniăn ai têa châu vâ tê tung tơnêi têa tung la ngiâ. Ƀă mâu Khu xiâm ngăn ‘na tê mơdró dêi mâu kong pơlê, pơlê pơlê kong kơdrâm, séa ngăn nhên tơdroăng tê têa châu têa kơxăng a mâu tíu tê ‘ngré têa châu tung kong pơlê, pôi tá ăm ai tơdroăng ki pơtê tê tâng ôh tá ai tơdroăng kal. Tung pơla tơbleăng, tâng trâm tơdroăng tơvâ tơvân, thế tối tơbleăng teăm tơdrêng ăm Khu xiâm ngăn tê mơdró vâ tơrŭm tơleăng mơnhên.

Gương tơplôu ƀă tơbleăng