A Hà Nội, nếo po hneăng hôp hriâm hnê tối tơdroăng pơkâ dêi tơnêi têa mơnhông cheăng kâ rêh ối kơpong hdroâng kuăn ngo ƀă kong ngo, pơla hơnăm 2021-2025. A hneăng hôp, pôa Nguyễn Ngọc Hải, Kăn phŏ ngăn ‘na tơdroăng pơkâ - liăn ngân, Khu xiâm tối ăm ‘nâi mâu tơdroăng nếo ai ƀă hyôh rơ‘jiu hiăng tối ‘na luât pơkâ xăm kơtiê ‘na tơdroăng pơla hơnăm 2016-2020 ƀă 2021-2025; mâu tơdroăng tơkêa kơjo kum kuăn pơlê hdroâng kuăn ngo ƀă kong ngo  pơtối tí tăng ‘nâi plĕng pơla hơnăm 2021-2025.

Ing mê, pơkâ tơdjuôm ƀă  tơdroăng nếo ai, tơdroăng tối ‘na xăm kơtiê hên troăng ƀă mâu kơ koan chêh hlá tơbeăng thế chêh tối tŭm mâu tơdroăng, teăm tơdrêng ‘na tơdroăng xăm kơtiê hên troăng mơdêk hlê plĕng, hnoăng cheăng pêi rêm râ, kơvâ cheăng ƀă tâi tâng pơlê pơla tung pêi pro mâu pơkâ, tơdroăng cheăng pêi xăm kơtiê ƀă tơdroăng mơhnhôk tăng veăng tơlo liăn ăm ‘na tơdroăng xăm kơtiê krá tơniăn.