VOV4.Xơ Đăng - Hâi lơ 22/4, pôa Phạm Bình Minh, Ngế pro xiâm hnê ngăn tơnêi têa má môi pơkuâ po Rôh hôp ‘no tơdrêng ing troăng hyôh Internet lâp tơnêi têa tơbleăng pêi pro Tơdroăng pơkâ tơnêi têa mơjiâng thôn pơlê nếo ƀă Tơdroăng pơkâ dêi Tơnêi têa kơdroh kơtiê krá ton hneăng hơnăm 2021 – 2025.

A rôh hôp, teăng mâ mâu kơvâ cheăng kong pơlê mơnhên tối khât tơdroăng ki tơbleăng tơdroăng pơkâ tơnêi têa mơjiâng thôn pơlê nếo tung pơla hdrối nah tơtro ƀă tơdroăng pơkâ dêi kơvâ pêi chiâk deăng hiăng mơdêk châ tơƀrê, veăng kum mơdêk mơnhông thôn pơlê, mơdêk tơdroăng rêh ối kuăn pơlê. Mâu kăn xuân hiăng tơpui tơno, ƀă môi tuăn ƀă mâu troăng hơlâ vâ tơbleăng mâu tơdroăng pơkâ dêi tơnêi têa hneăng hơnăm 2021 – 2025.

Mơgêi rôh hôp, pôa Phạm Bình Minh pơkâ thế tung khế 5 la ngiâ, mâu khu xiâm, kơvâ cheăng châ xoăng athế rĕng pơkâ mâu tơdroăng pơkâ hnê mơhno, kĭ pơkâ mâu tơdroăng tơkêa. Mâu kong pơlê kal hbrâ rơnáu pơkâ mâu hlá mơ-éa pêi pro nhên hơ’lêh hnê mơhno dêi Tơnêi têa ƀă mơdêk hnoăng cheăng séa ngăn, klêi kơ’nâi pêi pro mâu tơdroăng pơkâ dêi tơnêi têa.