Hâi lơ 17/11, Đăi tươ̆ng Tô Lâm, Ngế xiâm pơkuâ Kŏng an hiăng veăng Hâi leh Rŭm môi tuăn tâi tâng hdroâng mơngế a kơpong kuăn pơlê rêh ối Làng Phan, cheăm Hưng Tân, tơring Hưng Nguyên, kong pơlê Nghệ An. Đăi tươ̆ng Tô Lâm tối phiu ro drêng cheăm pêi chiâk deăng, hên khôi túa kăch măng Hưng Tân cho cheăm châ plah thôn pơlê nếo ƀă thôn pơlê nếo a’ngêi tâ apoăng dêi tơring Hưng Nguyên.

Ngế xiâm kŏng an kheăn kơdeăn mâu tơdroăng ki má môi ki Đảng ƀô̆, khu râ kăn pơkuâ ƀă Kuăn pơlê cheăm Hưng Tân tối tơdjuôm, kơpong kuăn pơlê Làng Phan tối krê hiăng châ tơƀrê. Pôa Tô Lâm xuân pói vâ kuăn pơlê pơlê Phan pơtối rŭm môi tuăn, tơdjuôm ivá mơjiâng pơlê xiâm, đi đo tơxâng cho troăng pêi, cho um méa dêi cheăm châ plah thôn pơlê nếo a’ngêi tâ.

Ngế xiâm pơkâ thế khu Kŏng an mâu râ ing kong pơlê troh cheăm, thế ‘nâi tơdroăng; teăm tơdrêng châ hlo, tơbleăng ƀă tơleăng châ tơƀrê mâu tơdroăng ki nếo a pơlê cheăm; đi đo rak krá tơniăn tơdroăng tơniăn lĕm, hơniâp lĕm ăm kuăn pơlê.