VOV4.Xơ Đăng - Tŏng kum rơnêu, krâ ki nếo troăng kơxái tơdjêp a kŏng tơ, krâ pul on tơhrik ƀă diâp kơxuô tơmeăm lăm pôu kơ-êng mâu rơpŏng ai tơdroăng rêh ối pá puât... cho mâu tơdroăng pêi ki tơxâng ki On tơhrik Dak Mil, kong pơlê Dak Nông tơmiât troh pơlê pơla. Ƀă pơtâng hnê tối ‘’Diâp ăm tơdroăng loi tơngah, pơtroh tơdroăng tuăn pâ’’, tíu cheăng hiăng diâp lối 200 kơxuô tơmeăm  ăm mâu rơpŏng kơtiê, mơngế hdroâng kuăn ngo a cheăm Dak Gằn ƀă cheăm Dak Sak.

On tơhrik Dak Mil diâp kơxuô tơmeăm ăm rơpŏng kơtiê a cheăm Dak Gằn

Đoân Droh rơtăm On tơhrik Dak Mil tŏng kum krâ kơxái on tơhrik tơdjêp kŏng tơ ƀă pul on tơhrik tung hngêi ăm rơpŏng jâ Hoàng Thị Thom ối a cheăm Dak Gằn. Mâu  ngoh Phạm Xuân Phương, kŏng nhân  On tơhrik Dak Mil hiăng rôe 5 pul on tơhrik rơtế mâu tơmeăm on tơhrik ki ê diâp ăm rơpŏng ngoh Y Biă ối a ƀon Sarpa, cheăm Thuận An.

            A Sa Ly tơplôu ƀă tơbleăng