VOV4.Xơ Đăng - Kŏng ti ngăn on tơhrik Dak Lak nếo tơkŭm po leh mơjiâng pro hngêi ăm ngế Nôu Việt Nam khên tơnôu Nguyễn Thị Cự, ối a cheăm Hòa An, tơring Krông Pač. Ing hơnăm 2016 nah, PC Dak Lak hiăng xo păn roăng ngế Nôu Nguyễn  Thị Cự plâ rơxông. Tơdrêng ƀă tơdroăng lăm pôu hbru tơmeăm, ăm liăn păn roăng rêm khế, Kŏng ti xuân hiăng đi đo tơmâng kơ-êng ‘na ivá, tơdroăng rêh ối ƀă tuăn tơmiât dêi Nôu kô châ rêh ối ro, mo sêi ai kuăn ‘nĕng cháu chái pakĭng hên hĭn.

Leh pơxiâm mơjiâng pro hngêi tuăn pâ

Xua hngêi Nôu dế rêh ối mê ton vâ chê 20 hơnăm hiăng tơ’nhiê, pá vâ ’mâi rơnêu, PC Dak Lak veăng kum 50 rơtuh liăn rơtế ƀă cheăm tơring mâu ki ai tuăn hơ-ui veăng tơlo vâ ai hngêi tơ’lêi păn roăng ngăn Nôu Nguyễn Thị Cư. Hngêi mê ai tơnêi rơdâ 25m2 ƀă ai tŭm tơmeăm xúa ki kal ăm tơdroăng xúa ton hơnăm.

VOV TâyNguyên

Gương tơplôu ƀă tơbleăng