VOV4.Xơ Đăng - Kơxo lơ 8/9, a Hà Nội “Po kơchơ tăng cheăng pêi ăm mâu droh rơtăm ki chó chêng tơvê kŏng”. Mê cho tơdroăng cheăng pêi xua Tíu xiâm ngăn ‘na cheăng pêi Hà Nội tơrŭm ƀă Khu ngăn mơngế chó chêng tơvê kŏng pơlê kong kơdrâm tơkŭm po tung tơdroăng tơkêa bro “Hnê tối tíu tơdjêp tung la ngiâ: Kơchơ pêi cheăng ăm mâu droh rơtăm tung khu ASEAN a Việt Nam”  xua Khu râng liăn ASEAN tŏng kum.

Mơngế chó chêng tơvê kŏng châ khu mơdró kơ-êng, rah xo ăm mot pêi cheăng

Po kơchơ tăng cheăng pêi ăm mâu droh rơtăm ki chó chêng tơvê kŏng, ai lối 40 khu mơdró, tíu hnê cheăng pêi cheăng tăng lối 1 rơpâu 100 ngế pêi cheăng ƀă hriâm cheăng. Troh ƀă kơchơ, hrĭng ngế chó chêng tơvê kŏng a Hà Nội ƀă mâu kong pơlê ki achê rơtâ tá achê tâng tối ‘na hnê cheăng pêi, ‘na tăng mơngế lăm pêi cheăng - cho rôh vâ mơngế ki chó chêng châ hriâm,  châ mâu khu rah tăng mơngế kơ-êng xo mơhno ăm cheăng pêi, pro tơ’lêi hlâu ăm hriâm cheăng tơtro ƀă tuăn ngôa hlê ƀă tơdroăng ki pá ‘na chó dêi tơná.

Gương tơplôu ƀă tơbleăng