VOV4.Xơ Đăng - Koh phiu ro Hneăng hôp kăn teăng mâ Vâi kơdrâi lâp tơnêi têa roh má 13, leh tơbâ 112 hơnăm Hâi lâp plâi tơnêi vâi kơdrâi lơ 8/3, hâi lơ 3/3, hiăng tơkŭm po tơdroăng pơ-ôu pơ-eăng vâi kơdrâi pro mô đô̆i kơhnâ rơkê. Rak krá tơniăn ƀă mơnhông mơdêk khôi túa dêi vâi kơdrâi Việt Nam khên tơnôu, hneăng hơnăm 2012 – 2022, vâi kơdrâi pro mô đô̆i đi đo mơ-eăm hriâm tâp, pơtâp, mơ-eăm.

Đăi tươ̆ng Lương Cường diâp ƀâng kheăn kơdeăn ăm vâi kơdrâi khu mô đô̆i kơhnâ rơkê

Xông tơpui a hneăng hôp, Đăi tươ̆ng Lương Cường, Kăn cheăng tung Khu xiâm kal kí, Kăn pơkuâ Kơ koan xiâm kal kí Khu lêng khu lêng kuăn pơlê Việt Nam rơkâu 378 ngế kơdrâi pro mô đô̆i kơhnâ rơkê châ pơ-ôu pơ-eăng ƀă lăm pôu kơ-êng troh lối 93 rơpâu ngế vâi kơdrâi dế pêi cheăng, pêi cheăng hriâm tâp tung tâi tâng khu lêng. Vâi kơdrâi pro mô đô̆i ai mâ a mâu đông lêng, tung lâp tơnêi têa, tung mê ai hên kơvâ ki phá tơ-ê môi tiah veăng tung khu lêng gak kring hơniâp lĕm dêi khu lâp kong têa, pơtâp tơplâ ƀă hbrâ rơnáu tơplâ, mơjiâng pro pháu hnêa ƀă hía hé, rế ối a mâu tíu pá puât, rế ai hên tơdroăng ki pleăng hnoăng cheăng dêi vâi kơdrâi pro mô đô̆i.

A Sa Ly tơplôu ƀă tơbleăng