VOV4.Xơ Đăng - A Sóc Trăng, Vi ƀan hdroâng kuăn ngo nếo tơrŭm ƀă Hô̆i đong hdroâng kuăn ngo dêi Kuô̆k hô̆i, Tĭnh ŭy, Vi ƀan kuăn pơlê kong pơlê Sóc Trăng tơkŭm po hôp tơpui tơno: ‘’Po rơdâ pêi pro Tơdroăng pơkâ xiâm tơnêi têa mơnhông mơdêk cheăng kâ – rêh ối pơlê pơla kơpong hdroâng kuăn ngo ƀă kong ngo hneăng hơnăm 2021 – 2025 kơpong tơbăng kroăng Cửu Long’’. Xông tơpui hnê mơhno hôp tơpui tơno, pôa Phạm Bình Minh, Ngế pro xiâm phŏ hnê mơhno má môi Chin phuh, kheăn kơdeăn, Hneăng hôp roh kố kơnía, păng ‘nâng tung pơla hơnăm 2022 cho hơnăm pơkâ mơnhông mơdêk, mơjiâng xiâm kối vâ pêi pro mâu pơkâ xiâm hiăng pơkâ mơ’no a Pơkâ Hneăng hôp Đảng roh má XIII ƀă pơkâ mơnhông mơdêk cheăng kâ – rêh ối pơlê pơla 5 hơnăm 2021 – 2025, cho hơnăm apoăng pêi pro Tơdroăng pơkâ xiâm tơnêi têa mơnhông cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo hneăng hơnăm 2021 – 2025.

Hneăng hôp po rơdâ pêi pro Tơdroăng pơkâ xiâm tơnêi têa mơnhông mơdêk cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo hneăng hơnăm 2021 – 2025 kơpong tơbăng kroăng Cửu Long

Tiô Ngế pro xiâm phŏ hnê ngăn tơnêi têa, tơdroăng pơkâ xiâm tơnêi têa ‘na hdroâng kuăn ngo ƀă kong ngo ai kơnâ kân kĭn, rế kum mơhnhôk mơjiâng pro tơmeăm ƀă kal vâ tơmeăm, tăng cheăng pêi, mơnhông pêt mơjiâng tơmeăm, tê mơdró, rế djâ tơdroăng kơnía ki kal tŏng kum pơlê pơla, ki rơhêng vâ tối ƀă mâu ngế ki ôh tá ai ivá, mâu rơpŏng kơtiê, rơpŏng ai tơdroăng rêh ối pá puât a mâu kơpong hơngế hơngo.

A Sa Ly tơplôu [a\ tơbleăng