Kơxê lơ 13/11, pôa Nguyễn Văn Nên, Ngế cheăng tung khu xiâm kal kí, Kăn hnê ngăn Đảng ủy Pơlê kong kân Hồ Chí Minh veăng hôp hâi Tơrŭm môi tuăn tâi tâng hdroâng kuăn ngo a tơring Bình Chánh, Pơlê kong kân Hồ Chí Minh. A kố, pôa Nguyễn Văn Nên - Kăn hnê ngăn Đảng ủy Pơlê kong kân Hồ Chí Minh khĕn kơdeăn tơdroăng ki tơrŭm môi tuăn dêi rơpó, rơtế tơdjuôm ivá mơno, rơtế môi tuăn dêi kuăn pơlê a kơtâu 1, cheăm Bình Chánh tung hnoăng pêi pro mâu tơdroăng mơhnhôk, cho cheăm ki djâ troăng ahdrối tung tơdroăng mơhnhôk tơrŭm môi tuăn, pơtối rak vế ki tơrŭm ƀă dêi rơpó pơla mâu kơtâu tơdjuôm mơjiâng kơtâu krúa lĕm.

Klêi mê, hlối tối, loi nhoăm tơdroăng rêh ối dêi kuăn pơlê a kơtâu 1 kô rế ton rế tơƀrê lĕm tâ, tơniăn pơlê pơla, tơƀrê tâ nếo tung rêh ối, pêi cheăng tro tiô pơkâ hlŭn kơtiê krá tơniăn. Rôh kố, pôa Nguyễn Văn Nên hiăng diâp tơmeăm ki hbru ăm ƀă hlối pơcháu kơxô̆ liăn 10 rơtuh liăn ăm kơtâu 1. Pakĭng mê, khu kăn pêi cheăng dêi Đảng ủy Pơlê kong kân xuân xo hnoăng pơkâ diâp 15 hnoăng liăn hriâm ăm hok tro ki kơtiê ƀă vâ chê kơtiê, tiô pơkâ mơhnhôk kơtâu 1 mơ-eăm tâ nếo tung hơnăm 2023. Hên tơmeăm, hnoăng liăn hriâm hbru ăm dêi Vi ƀan Xiâm Măt trâ̆n tơnêi têa Việt Nam, Pơlê kong kân Hồ Chí Minh ƀă mâu kăn dêi kơtâu cheăm tơring xuân châ hbru ăm mâu rơpŏng kơtiê, vâi o hok tro ki kơtiê xơpá.