VOV4.Xơ Đăng - kơxê lơ  12/8, a Hà Nội, Khu xiâm kŏng an  tơkŭm po leh pơkâ dêi Kăn xiâm hnê ngăn tơnêi têa ăm sih quan lăm pêi hnoăng cheăng kring tơniăn Khu lâp kong têa ƀă pơkâ mơjiâng môi ƀơ rô Khu xiâm Kŏng an ‘na rak tơniăn hơniâp lê̆m Khu lâp kong têa. Pêi troăng hơlâ mơdêk tơrŭm tung lâp plâi tơnêi ƀă tơpui kâ ‘na kring tơniăn hơniapa lê̆m, lơ 15/6/2021, Ngế xiâm pơkuâ Kŏng an kĭ Pơkâ mơjiâng Ƀơ rô  pơkuâ cheăng dêi Khu xiâm Kŏng an ‘na rak hơniâp lê̆m Khu lâp kong têa. Klêi mơjiâng, Ƀơ rô hiăng tơrŭm ƀă Khu lâp kong têa tơkŭm po ăm 23 ngế sih quan ki hriâm, chêh inâi lăm kring vế Khu lâp kong têa. Troh nôkố, Khu xiâm Kŏng an hiăng ai 8 ngế sih quan châ Khu lâp kong têa séa ngăn, tối tro tiô pơkâ ‘na veăng kring vế hơniâp lê̆m. Tơbleăng a hâi leh, Nguyễn Xuân Phúc, Kăn xiâm hnê ngăn tơnêi têa tối nhên, tơdroăng rah mâu lêng veăng kring vế hơniâp lê̆m Khu lâp kong têa cho môi tơdroăng cheăng ki kal, veăng pêi mâu tơhrâ, hnoăng cheăng dêi Tơnêi têa Việt Nam ƀă khu kong têa tung lâp plâi tơnêi ƀă kring vế hơniâp lê̆m tung lâp plâi tơnêi. Rôh kố, pôa  Nguyễn Xuân Phúc  hiăng pơcháu Pơkâ dêi  Kăn xiâm hnê ngăn tơnêi têa ăm Trung tă Nguyễn Ngọc Hải pêi tơdroăng cheăng  a tíu pêi cheăng dêi Khu lâp kong têa ƀă ăm kơpâu reăng rơkâu kơ 3 ngế ki xo pêi hnoăng cheăng a peăng hdroh Xu-đăng.

Gương tơplôu ƀă tơbleăng