VOV4.Xơ Đăng - Kơxê lơ 10/2, a tíu pêi cheăng Chin phuh, Hô̆i đong tơrŭm, hnê hriâm Luât Tơnêi têa tơkŭm po roh hôp pêi pro troăng prôk, hnoăng cheăng hơnăm 2022. Pôa Phạm Bình Minh, Ngế pro xiâm phŏ hnê mơhno má môi, Kăn hnê ngăn Hô̆i đông pơkuâ roh hôp, tối rơdêi tơdroăng Hô̆i đong hiăng tơbleăng ƀă Khu pơkuâ hnê ngăn cheăng Đảng, Chin phuh ‘na tơdroăng pơtâng tối luât ƀă tơdroăng Chin phuh rah tŭm tâi tâng hô̆i đong pêi cheăng vâ Hô̆i đong pêi pro hnoăng cheăng tung la ngiâ.

Ngế pro xiâm phŏ hnê ngăn Chin phuh tối nhên, tơdroăng tơrŭm pơla mâu khu tơrŭm cheăng Hô̆i đong, pơla mâu khu xiâm, kơvâ cheăng, kong pơlê tung tơdroăng tơbleăng hnê hriâm luât tá hâi krá tơniăn, tá hâi đi đo ki má lối cho tung mâu kơvâ, kong pơlê lơ khu ngế kal ai tơdroăng tơrŭm pơla kơvâ. Tơdroăng pêi pro mâu tơdroăng tơrŭm, hnê ‘na luât ối ai ki vâ mơhno a ngâ tê, tá châ tơƀrê hên. Pôa Phạm Bình Minh pơkâ thế: Kal thăm hlê plĕng tơdroăng cheăng kal kí tung tơdroăng hnê ‘na luât.

A Sa Ly tơplôu ƀă tơbleăng