Kơxê lơ 15/1 pôa Phạm Minh Chính, Ngế pro xiâm hnê ngăn tơnêi têa lăm pôu Nôu Việt Nam Khên tơnôu Lâm Thị Mèn (89 hơnăm, ối a cheăm Quy Thuận, tơring Quảng Hòa, kong pơlê Cao Bằng. Ngế nôu  ai 2 ngế kuăn hlâ ai hnoăng tơnêi têa, nôkố Nôu dế rêh ối tung môi to hngêi tuăn pâ.

Rôh têt, rơnó Hơngui troh, pôa Phạm Minh Chính rơkâu Nôu Lâm Thị Mèn hơnăm nếo trâm hên tơdroăng mơhúa, hơniâp ro,  mo châ vâ mơhnhôk dêi kuăn cháu chái pơtối rak vế tơdroăng ki lĕm dêi kăch măng, veăng ‘no hnoăng mơjiâng pơlê, tơnêi têa rế kro mơdrŏng. Ngế pro xiâm hnê ngăn tơnêi têa tối, Đảng, tơnêi têa ƀă kuăn pơlê đi đo chôu pâ mâu hnoăng veăng ‘no, tơplâ ta troh hlâ dêi  mâu rơpŏng hngêi xua vâ rak tơniăn ăm tơnêi têa; mơ-eăm tơmâng tŏng kum ăm mâu rơpŏng ai hnoăng tơnêi têa vâ vâi ai tơdroăng rêh ối ki iâ gá thế tơ’mô, mơ-eăm tơ ƀrê tâ nếo tâng vâ pơchông ƀă mâu kuăn pơlê ki ối tung pơlê.