Kơxo lơ 8/1, a kong pơlê Phú Yên, pôa Phạm Minh Chính, Ngế pro xiâm hnê ngăn tơnêi têa veăng tối ƀă mâu kŏng nhân ƀă mơngế pêi cheăng tung tơdroăng ‘’Têt tơkŭm dêi rơpó - rơnó hơngui tơrŭm ‘’ hơnăm 2023. Teăng mâ kăn xiâm Đảng, Tơnêi têa, Ngế pro xiâm hnê ngăn tơnêi têa pơtroh rơkong rơkâu hơnăm nếo tơniăn lĕm ƀă khĕn kơdeăn, tơmâng xo ƀă rơkâu mâu hnoăng veăng ‘no ki Khu tơrŭm cheăng kŏng đoân, kŏng nhân mơngế pêi cheăng tung lâp tơnêi têa tối tơdjuôm, nhŏng o kŏng nhân kong pơlê Phú Yên tối krê hiăng châ pêi pro tung mâu hơnăm hdrối, Chin phuh kô pêi pro kơtăng hnê mơhno mâu khu xiâm, kơvâ cheăng, kong pơlê tơring cheăm veăng tơmâng, tăng liăn kum mâu tơdroăng ki â mơnhông tung rêh ối dêi mâu nhŏng o kŏng nhân, mơngế pêi cheăng.

‘Na tơdroăng mê, pôa Phạm Minh Chính, Ngế pro xiâm hnê ngăn tơnêi têa ƀă kăn xiâm khu tơrŭm pêi cheăng Việt Nam, kong pơlê Phú Yên ƀă Vi ƀan Tíu xiâm Măt trâ̆n tơnêi têa Việt Nam hiăng diâp 220 kơxu tơmeăm ăm đoân viên, kŏng nhân, mơngế pêi cheăng rơkê ƀă mâu ki xơpá, tâi tâng kơnâ 288 rơtuh liăn.