Tối mơgêi a rôh hôp, pôa Phạm Minh Chính, Ngế pro xiâm hnê ngăn tơnêi têa hiăng pơcháu tơdroăng cheăng ăm tơrêm khu xiâm, tíu pêi cheăng, khu mơdró ƀă hnoăng cheăng pêi dêi kong pơlê tung tơdroăng mơhnhôk tăng liăn veăng pro hngêi ối, tah hngêi pơtân, hngêi xi kơchoh ăm mâu rơpŏng kơtiê, vâ chê kơtiê. Ngế pro xiâm hnê ngăn tơnêi têa tối nhên, tơdroăng mơhnhôk tơ’noăng, tơdroăng tơ’noăng “Rơtế veăng ƀă dêi rơpó tah hngêi pơtân, hngêi xi kơchoh tung lâp tơnêi têa hơnăm 2025” hiăng châ mơhnhôk, tơbleăng pêi hlo tơƀrê, ôh tá xê tơpui to ƀă rơkong tê.

Laga vâ pê klêi pơkâ tah hngêi pơtân, hngêi xi kơchoh tung lâp tơnêi têa a mơ’nui hơnăm 2025, koh tơbâ Hneăng hôp tâi tâng tung lâp tơnêi têa rôh má 15 dêi Đảng ƀă Tơbâ 80 hơnăm hâi mơjiâng tơnêi têa, 50 hơnăm pro tơleăng lĕm peăng Hdroh, lâp tơnêi têa tơrŭm môi, thế ai túa pêi cheăng ki nếo, kơtăng, pêi tro khoa hok, pêi tơƀrê tâ.

Xuân tung kơxê ki mê, pôa Phạm Minh Chính, Ngế pro xiâm hnê ngăn tơnêi têa hiăng trâm pôa Hà Vĩ, kăn teăng mâ Sinuâ a Việt Nam  drêng rôh pơxiâm hneăng pêi cheăng a Việt Nam.