VOV4.Xơ Đăng - Kơxo lơ  17/2, pôa Phạm Minh Chính, Ngế pro xiâm hnê ngăn tơnêi têa veăng Hôp mơgêi tơdroăng cheăng tơkâ luâ xơpá ƀom min klêi tơplâ a Việt Nam pơla hơnăm 2010-2020 ƀă troăng rơhlâ cheăng pơla hơnăm 2021-2025. Kơ’nâi 10 hơnăm pêi pro tơdroăng cheăng tơkâ luâ xơpá klêi kơ’nâi tơplâ tối tơchoâm, tung mê ai tơkâ luâ xơpá, xâu xía xua ƀom min hiăng châ tơbleăng pêi tơ-brê ƀă hlo tơ-ƀrê khât.

Ngế pro xiâm hnê ngăn tơnei têa veăng Hôp mơgêi tơdroăng pêi pro tơkâ luâ ƀom min

Tâi tâng kơxô̆ liăn pêi tơdroăng mê tung 10 hơnăm ai lối 12 rơpâu rơtal liăn, tung mê, liăn ngân tơnêi têa lối 10 rơpâu rơtal liăn ƀă liăn tŏng kum oh tá tơvêh dêi kong têa ê lối 2 rơpâu rơtal liăn. Hên tơdroăng pêi pro ki kal pơxúa tung mơnhông cheăng kâ - rêh ối dêi tơnêi têa châ mơjiâng ing hên kơpong tơnêi hiăng châ tah hrâ ƀom min, tơmeăm pơtôu.

Lối 5 rơpâu ngế tơdjâk ƀom min ƀă mâu ngế tro tơdjâk ki ê hiăng châ kum khăm pơlât, hnê cheăng pêi, tăng cheăng pêi, kum tơmeăm păn, loăng plâi pêt vâ mơnhông cheăng kâ ƀă kơxô̆ liăn lối 50 rơtal liăn.

Gương tơplôu ƀă tơbleăng