Kố cho vâ tối nhên dêi pôa Trần Hồng Hà, Ngế pro xiâm phŏ hnê ngăn tơnêi têa a rôh hôp mơ’no tơdrêng tiô troăng hyôh internet tung lâp tơnêi têa ăm hnê tối ‘na tơdroăng  luât pơkâ ‘na yă tơnêi. Tiô tối tơbleăng dêi Khu xiâm ngăn ‘na hyôh kong prâi tơmeăm khoăng Têa, tơdroăng hbrâ tơpui klêi tơmâng xo chêh ‘mot tâi tâng ai 6 chương, 41 tơdroăng pơkâ ‘na troăng rơhlâ pơkâ yă tơnêi; mơjiâng, pơhlêh, ‘mâi rơnêu, tơ’nôm a tíu chêh yă tơnêi; tơdroăng hmâ pêi cheăng ‘na hnê tối ‘nâi nhên yă tơnêi; xúa tơdroăng pêi pro pơkă yă tơnêi ăm mâu ngế ki pơtó...

A rôh hôp, mâu kăn tối tơkŭm tơpui ‘na tơdroăng tơ’nôm mâu tơdroăng hnê tối , tơpui tơniăn Pơkâ drêng pơkâ kô tơleăng mơnhên mâu tơdroăng pâ thế, tơdroăng ki nhên, tơ’lêi pêi, ví tơdroăng pro ôh tá tro. Ngế pro xiâm phŏ hnê ngăn tơnêi têa pơkâ thế Khu xiâm ngăn ‘na tơmeăm khoăng ƀă hyôh kong prâi Têa tơmâng xo mâu tơdroăng veăng hnê tối, va rĕng chêh klêi hlá mơ-eă Pơkâ, rĕng tơbleăng troăng rơhlâ, luât pơkâ ki nếo, pêi tơƀrê tung Luât tơnêi hơnăm 2024 châ xúa tung rêh ối.