VOV4.Xơ Đăng - Kơxo lơ 17/10, Thươ̆ng tươ̆ng Trần Quang Phương, Kăn xiâm phŏ hnê ngăn Kuô̆k hô̆i hiăng ai rôh trâm mâ kuăn pơlê cho kăn ƀô̆, kong nhân viên Kŏng ti Kơhleăng têa châu Bình Sơn (Quảng Ngãi). A rôh trâm mâ, hên kuăn pơlê a Kŏng ti Kơhleăng têa châu Bình Sơn tối mâu tơdroăng ki ôh tá tơniăn a Kơpong cheăng kân Dung Quất drêng tá hâi ai tơdroăng ki mơdêk rơdêi tung ‘no liăn mơnhông kơvâ hriâ chuâ têa châu.

Troh nôkố, Tơnêi têa xuân tá hâi ai tơdroăng ki ‘no liăn khât vâ bro chiâng tíu xiâm tôh tơrŭm hrik chuâ têa châu ki tơtro tơxâng ƀă ivá tơnêi têa maluâ hiăng ai pơxúa cho ai Hngêi kơmăi hrik chuâ têa châu Dung Quất. Hên kuăn pơlê xuân tối pâ thế ‘na tơdroăng ki kŏng nhân pêi cheăng a kơpong cheăng kâ Dung Quất ƀă a Hngêi kơmăi hrik chuâ têa châu Dung Quất ki kân la ôh tá ai hngêi ối ăm kŏng nhân.

Pôa Trần Quang Phương, Kăn xiâm phŏ hnê ngăn Kuô̆k hô̆i trâm mâ kuăn pơlê a Quảng Ngãi

Pôa Trần Quang Phương tơmâng xo rơkong tơpui tối dêi kuăn pơlê Kŏng ti hrik chuâ têa châu Bình Sơn ƀă tối tiah kố, rôh trâm mâ kuăn pơlê kố cho tơdroăng gá kal khât vâ ‘nâi nhên hiâm mơno, tơdroăng ki rơhêng vâ dêi kŏng nhân kum ăm hneăng hôp má 4, Kuô̆k hô̆i hneăng má 15.

VOV Tây Nguyên/Tơplôu: Katarina Nga