Kong măng hâi lơ 11/3, tiô chôu kong têa, Hneăng hôp Hô̆i đong Khu tơrŭm Kuô̆k hô̆i lâp plâi tơnêi - IPU rôh má 146 hiăng pơxiâm po a pơlê kong xiâm Manama dêi Bahrain. Ƀă inâi “mơdêk tơdroăng tơdjuôm rêh ối hơniâp lĕm ƀă mâu pơlê pơla mot tơrŭm ăm tâi tâng rêm ngế: tơtrâ mâu tơdroăng ki ôh tá ‘nâi hơ-ui”, IPU – 146 tơ’mot tơdroăng ki veăng dêi dâng 2 rơpâu ngế kăn lo ing vâ chê 140 kong têa, tung mê, ai 44 ngế kăn xiâm hnê ngăn Kuô̆k hô̆i ƀă vâ chê 30 ngế kăn xiâm phŏ hnê ngăn Kuô̆k hô̆i.

Tung rôh po hneăng hôp, mâu kăn Kuô̆k hô̆i kô tơpui tơno ‘na túa tơmiât ƀă tơpui ‘na mâu tơdroăng ki kal tơdjuôm môi tiah rơtế ƀă dêi rơpó rêh ối hơniâp lĕm, tí tăng ‘nâi ƀă tơpui tơno ‘na túa tơmiât ‘na mâu tơdroăng ki kal pêi pro tơdrêng ‘na tơdroăng ki tơplâ tung măng ƀă mâu ngế pro xôi, tê roê mâu vâi hdrêng kuăn tê, kơdroh hyôh carbon ƀă kong prâi pro hơ’lêh, tơtrâ mơdât mâu tơdroăng tối tơbleăng ôh tá tro, mâu tơdroăng ki pro hêng hôu ƀă pơrah tung măng.