VOV4.Xơ Đăng - Pôa Vũ Đức Đam, Ngế pro xiâm phŏ hnê ngăn Chin phuh nếo troh lăm pôu ƀă diâp kơxuô tơmeăm ăm mâu rơpŏng ai hnoăng tơnêi têa, rơpŏng kơtiê, kŏng nhân, mơngế pêi cheăng pá puât xua tơdjâk dêi pơreăng COVID-19 a kong pơlê Bình Thuận. Ngế pro xiâm phŏ hnê ngăn tơnêi têa veăng kum ƀă mâu tơdroăng pá puât, tơbrêi tơbrêh dêi kuăn pơlê tung hơnăm 2021. Tơdrêng amê, pơkâ mâu râ kŏng đoân kong pơlê pơtối rak ngăn tơtro tâ tơdroăng rêh ối ‘na kế tơmeăm khoăng ƀă hiâm mơno ăm mơngế pêi cheăng; ki rơhêng vâ tối tơmâng tŏng kum mâu ngế tro tơdjâk xua pơreăng COVID-19.

Pôa Vũ Đức Đam, Ngế pro xiâm phŏ hnê ngăn tơnêi têa rơkâu Têt Mô đô̆i gâk tơkăng kong kong pơlê Bình Thuận

Roh kố, Khu râ kăn pêi cheăng hiăng diâp 550 kơxuô tơmeăm ăm rơpŏng ai hnoăng tơnêi têa, mơngế kơtiê, kŏng nhân, mơngế pêi cheăng, rơpŏng ai tơdroăng rêh ối pá puât xua pơreăng COVID-19. Khu râ kăn xuân hiăng troh lăm pôu ƀă diâp kơxuô tơmeăm ăm Khu xiâm pơkuâ Mô đô̆i gâk tơkăng kong kong pơlê Bình Thuận ƀă Jâ Nôu Việt Nam khên tơnôu Lê Thị Đặng a bêng Phú Tài, pơlê kong kơdrâm Phan Thiết.

A Sa Ly tơplôu ƀă tơbleăng