VOV4.Xơ Đăng - Khu xiâm ngăn cheăng pêi Mô đô̆i rong ƀă pơlê pơla dế tơmâng xo tơdroăng veăng hnê tối dêi khu râ, kơvâ cheăng xiâm vâ pơtroh ăm Ngế pro xiâm hnê ngăn tơnêi têa ăm pâ pơtê Têt Lo hơnăm nếo ƀă hâi leh Mơjiâng tơnêi têa hơnăm 2023. Mê cho, Khu xiâm ngăn cheăng pêi Mô đô̆i tro rong ƀă rêh ối pơlê pơla tối tơbleăng péa troăng rơhlâ pơtê Têt Lo hơnăm nếo 2023.

Troăng rơhlâ 1: pơtê 5 hâi tiô pơkâ, tung mê ai 2 hâi pơtê hdrối ƀă 3 hâi klêi Tết, tơdrêng ƀă 2 hâi pơtê teăng hâi pơtê rêm măng tĭng, tâi tâng ai 7 hâi pơtê đi đo. Troăng rơhlâ má 2: pơtê 5 hâi tiô pơkâ, tung mê pơtê 1 hâi hdrối Tết ƀă 4 hâi klêi Tết, xuân 2 hâi pơtê teăng ƀă 2 hâi pơtê rêm măng tĭng, tâi tâng ai 7 hâi pơtê. Troăng rơhlâ má 2: Pơtê 5 hâi tiô pơkâ, tung mê: pơtê 1 hâi hdrối Tết ƀă 4 hâi klêi Têt, tơtế ƀă 2 hâi pơtê teăng ƀă 2 hâi pơtê mơ’nui măng tĭng  chiâng 9 hâi pơtê.

Tung 2 troăng pơkâ mê, Khu xiâm ngăn cheăng pêi - Mố đô̆i rong ƀă pơlê pơla pâ thế rah xo rôh pơtê Tết Qúy Mão hơnăm 2023 tiô troăng rơhlâ pơkâ má 1 tung tâi tâng kơxô̆ hâi pơtê ôh tá luâ 7 hâi, hlối rak tơniăn tơtro tung pơla pơtê hdrối ƀă klêi Têt.

Gương tơplôu ƀă tơbleăng