VOV4.Xơ Đăng - Tung hneăng hơnăm 2021 – 2025, kô ai dâng 230 rơpâu rơpŏng kơtiê kơpong thôn pơlê kô châ tŏng kum bro hngêi ối tơniăn, chôa ‘lâng mơdêk tơdroăng rêh ối, kum xăm kơklêa, kơdroh kơtiê krá tơniăn. Kố cho troăng hơlâ châ Khu xiâm pơkuâ mơjiâng pro tơmeăm khoăng chêh tối hdrối Pơkâ dêi Ngế pro xiâm hnê ngăn Chin phuh ‘na troăng hơlâ tŏng kum rơpŏng kơtiê ‘na hngêi ối a hneăng hơnăm 2021-2025.

Vâ kum tơleăng ‘na tơdroăng kal vâ tŏng kum hngêi ối a kơpong thôn pơlê nôkố, tung hneăng hơnăm 2021-2025, nôkố ai 2 tơdroăng pơkâ xiâm tơnêi têa ai tơdroăng tŏng kum hngêi ối ăm mâu rơpŏng kơtiê pá puât, mê cho: Tơdroăng pơkâ xiâm tơnêi têa ‘na mơnhông cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo hneăng hơnăm 2021 – 2030, hneăng má 1 sap hơnăm 2021 – 2025.

Laga, kơpong pêi pro dêi 2 Tơdroăng pơkâ kố ôh tá xê lâp tơnêi têa mê bu pêi pro tŏng kum ƀă rơpŏng kơtiê a kơpong hdroâng kuăn ngo, kơpong kong ngo ƀă mâu tơring kơtiê.

A Sa Ly tơplôu ƀă tơbleăng