VOV4.Xơ Đăng - Khu xiâm pơkuâ hnê hriâm ƀă Hnê mơjiâng tuăn ngôa rơkê tối ăm ‘nâi, ‘na xiâm kối, troăng rah xo hok tro đăi hok hơnăm 2022 xuân ối rak tơniăn troăng rah xo hok tro mot hriâm môi tiah hơnăm nah ƀă bu pơ’lêh ‘na kih thuât. Laga, tiô kăn pơkuâ mâu hngêi trung đăi hok, mơhé bu pơ’lêh ‘na kih thuât, laga mâu tơdroăng tối hdrối tung rơnó rah xo hok tro hơnăm 2022 xuân tơdjâk kân troh hok tro ƀă mâu hngêi trung, xua mê kal rĕng tơbleăng pơkâ rah xo hok tro vâ mâu hngêi trung ƀă hok tro ‘nâi tơdroăng ƀă ai pơkâ inhên.

Tiô Khu xiâm pơkuâ hnê hriâm ƀă hnê mơjiâng tuăn ngôa rơkê, troăng hơlâ pơ’lêh nếo tung rah xo hok tro mot hriâm đăi hok hơnăm 2022 cho pơtối xúa kŏng ngê̆ thông tin, vâ pro tơ’lêi hlâu tâ mê nếo ăm hok tro ƀă mâu hngêi trung đăi hok tơdrêng amê kơdroh pro mơ-éa. Khu xiâm pơkuâ hnê hriâm ƀă hnê mơjiâng tuăn ngôa rơkê tối ăm ‘nâi, kô thâ kêi đeăng tơdroăng pơkâ rah xo hok tro hơnăm 2022 vâ pâ tơpui tối tiô pơkâ hdrối vâ tơbleăng păng ‘nâng.

A Sa Ly tơplôu [ă tơbleăng