VOV4.Xơ Đăng - Kơxo lơ 16/3,  Tơbleăng hâi pơxiâm po hôp kơ-êng, pôa Vương Đình Huệ, Kăn xiâm hnê ngăn Kuô̆k hô̆i tối, hneăng kơ-êng cho ki apoăng kal khât vâ kuăn pơlê ai tuăn loi a tơdroăng pơ’lêh nếo rơdêi tung tơdroăng cheăng  séa ngăn Kuô̆k hô̆i ƀă ai mâu túa cheăng  krá khât vâ pơtối tơkŭm po mâu rôh hôp kơ-êng a mâu roh hôp pơtối. Pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi, vâ hbrâ ăm kơ-êng rôh kố, hlo pơreăng COVID-19 tâ tú rơ-iô la ƀă tơdroăng cheăng, ki mơ-eăm khât, mâu kơ koan dêi Kuô̆k hô̆i  ƀă mâu kơ koan ai tơdjâk troh hiăng rơrŭm krá, pêi cheăng tro khoa hok, mơ-eăm hbrâ rơnáu tro má môi ‘na mâu tơdroăng tơkŭm po xuân môi tiah tơdroăng vâ tơpui tung rôh hôp.

Kăn xiâm hnê ngăn Kuô̆k hô̆i pơkâ thế, mâu ngế tung Chin phuh châ krếo veăng hôp kal pơkâ hâi chôu, xing xoăng tơdroăng cheăng, pro tơniăn veăng hôp tŭm rôh kơ êng  tiâ, tơkŭm tơmâng, tiâ i nhên mâu tơdroăng ki mâu kăn Kuô̆k hô̆i, kuăn pơlê vâ ‘nâi ple\ng. Tung pơla tiâ rơkong kơ-êng, Ngế pro xiâm pho\ hnê ngăn tơnêi têa  pơkuâ ‘na mâu tơdroăng cheăng ƀă mâu ngế xiâm, ngế pơkuâ kơvâ cheăng ai tơdjâk troh rơ-tế veăng tối nhên.

Gương tơplôu ƀă tơbleăng