VOV4.Xơ Đăng - Kơmăng lơ 27/7, hiăng po mơđah tơbleăng “Tơdroăng hơdruê ki krip hơniâp lĕm’’, tơbâ 75 hơnăm Hâi mâu lêng rong râ hlâ hía. Veăng ngăn kơmăng mơđah mê ai mâu kăn cheăng tung khu xiâm kal kí: pôa Nguyễn Xuân Phúc, Kăn xiâm hnê ngăn tơnêi têa, pôa Phạm Minh Chính, Ngế pro xiâm hnê ngăn Chin phuh, pôa Vương Đình Huệ, Kăn xiâm hnê ngăn Kuô̆k hô̆i, pôa Võ Văn Thưởng, Ngế pơkuâ hnê ngăn Đảng ƀă 6 tíu mơđah pêi pro a Tíu meăn um tơbâ mâu ngế hlâ a Bắc Sơn, Pơlê kong xiâm Hà Nội; Tíu xối tơbâ mâu ai hnoăng Bến Dược, Pơlê kong kân Hồ Chí Minh; Tíu um meăn um Jâ Nôu Việt Nam khên tơnôu, kong pơlê Quảng Nam, ilâng kiâ Vị Xuyên, kong pơlê Hà Giang; Tíu tơbâ mâu hlâ ai hloăng tơnêi têa a pơlê kong krâm Hoài Nhơn, kong pơlê Bình Định ƀă ilâng kiâ mâu ngế hlâ ai hnoăng kong pơlê An Giang.

Kăn xiâm hnê ngăn Kuô̆k hô̆i veăng ai mâ a Tíu hrik mơ’no tơdrêng Um Tơvi “Tơdroăng hơdruê krip hơniâp ro” a Quảng Nam

Tơdroăng po “Hơdruê ki krip hơniâp lĕm’’ mơhno mâu um méa ki tơviah, hên tơdroăng ngăn pro chiâng rơrêk tung hiâm mơno ‘na mâu ngế lêng rong râ, mâu ki ai hnoăng, Jâ Nôu Việt Nam khên tơnôu ƀă nhŏng o mâu ngế lêng ki hiăng hlâ xua tơplâ pro tơleăng lĕm ăm tơnêi têa. Pakĭng mâu tơdroăng hơ’muăn ‘na mâu ngế hiăng hlâ xua vâ pro hơniâp lĕm, tơdroăng kố ối mơđah mâu ƀai hơdruê hlối pro pơro kân krip a mâu tíu mơđah, pro ăm mâu tíu ki mê ngăn chiâng lĕm krip.

Gương tơplôu ƀă tơbleăng