Ối tung tơdroăng tơkêa 1, Tơdroăng tơkêa 3 Tơdroăng pơkâ tơnêi têa mơnhông cheăng kâ rêh ối kơpong hdroâng kuăn iâ mơngế ƀă kơpong kong ngo pơla hneăng má 1 ing hơnăm 2021 – 2025, laga, troh nôkố tơdroăng ki tŏng kum phái ăm mâu rơpŏng ki pêt kong ƀă mơnhông pêt kong pakĭng xo loăng a kong pơlê Kon Tum xuân tá hâi châ pêi pro.

Kố cho tơdroăng ki châ mâu kăn Hô̆i đong hnê ngăn kong pơlê Kon Tum hneăng má 12 kal vâ ‘nâi khât, kơ-êng a Hneăng hôp rôh má 7 dế po a pơlê kong kơdrâm Kon Tum. Tơdjâk troh mâu tơdroăng tơvâ tơvân ki nếo tối a kơpêng, châ ‘nâi kong pơlê Kon Tum hiăng ai hên hlá mơ-éa tối tơbleăng ăm mâu khu xiâm, kơvâ cheăng Tơnêi têa pơkâ thế hnê mơhno nhên mê kong pơlê tá hâi pêi pro châ troăng tŏng kum phái ăm mâu rơpŏng ki veăng pêt kong cheăng kâ ƀă thăm mơnhông pêt kong ôh tá xo loăng.

Hên rơkong tơpui tối dêi mâu kăn Hô̆i đong hnê ngăn kong pơlê Kon Tum tối tiah kố, tơdroăng ki troăng hơlâ tŏng kum ai la hrá châ pêi pro dế tơdjâk troh tơdroăng pơkâ mơnhông cheăng kâ rêh ối pơlê pơla xuân môi tiah tơdroăng ki hơ’lêh tơdroăng rêh ối dêi kuăn pơlê.