VOV4.Xơ Đăng - Pơtối tơdroăng dêi rôh hôp má 16, hâi lơ 12/10, Vi ƀan pơkuâ cheăng Kuô̆k hô̆i ăm hnê tối ‘na tơdroăng pêi pro tiô Pơkâ kơxô̆ 54 dêi Kuô̆k hô̆i hneăng 14 ‘na mơnúa pêi pro tiô luât pơkâ, luât tŏng kum mơnhông mơdêk pơlê kong kân Hồ Chí Minh tối thế pê klêi mâu luât pơkâ, luât tŏng kum mơnúa ăm Pơlê kong kân Hồ Chí Minh; tơbleăng mơgêi 3 hơnăm pêi tiô pơkâ kơxô̆ 115 dêi Kuô̆k hô̆i hneăng 14 ‘na luât pơkâ, luât tŏng kŭm liăn ngân, liăn ngân ƀă pơlê kong kân Hà Nội.

Séa ngăn, kĭ pơkâ tơdroăng pâ thế dêi Ngế pro xiâm hnê ngăn Chin phuh ‘na tơdroăng ôh tá pôk Kăn teăng mâ tâi tâng hnoăng pơkuâ dêi Kŏng hòa xah hô̆i chuh ngiah Việt Nam. Ăm hnê tối ‘na tơdroăng hbrâ rôh hôp má 4, dêi Kuô̆k hô̆i ƀă mâu troăng rơhlâ tơleăng mơnhên mâu tơdroăng ối tơvâ tơvân, ki ôh tá tro mâu tíu xo liăn nâp tơdroăng tơkêa bro BOT.

Hdrối mê, a rôh hôp hâi lơ 11/10, Vi ƀan pơkuâ cheăng Kuô̆k hô̆i môi tuăn pơtroh ăm Kuô̆k hô̆i troăng rơhlâ ‘mâi hơ’lêh liăn khế, liăn pơtê cheăng xua hơnăm hiăng krâ, liăn kum ƀaoh hiêm pơlê pơla ƀă tŏng kum mâu ngế ai hnoăng tơnêi têa tung hơnăm 2023. Ngế xiâm ngăn liăn ngân pôa Hồ Đức Phớc ăm ‘nâi: tiô tối hdrối kô ‘mâi hơ’lêh liăn khế, liăn pơtê cheăng xua hơnăm hiăng krâ, liăn tŏng kum ƀaoh hiêm pơlê pơla ƀă liăn tŏng kum mâu ngế ai hnoăng tơnêi têa pơxiâm sap ing hâi lơ 1/7/2023.

VOV Tây Nguyên/Tơplôu: Gương