VOV4.Xơ Đăng - Khía rôh má 4 plong mot pro tơ’nhiê troăng kơxái on tơhrik tung kong pơlê Quảng Nam, tơ’nhiê ó, tơpâ on tơhrik tung lâp lu. Klêi hnê mơhno dêi Khu xiâm ngăn on tơhrik kơpong tơdế tơnêi têa, kŏng ti ngăn on tơhrik Dak Nông hiăng mơjiâng 2 khu thâ rĕng lăm kum kong pơlê Quảng Nam ‘mâi rơnêu on tơhrik. Ing mê, chât ngế kăn ƀô̆, kŏng nhân rơtế djâ tŭm mâu tơmeăm rơxế, vâ ‘mâi pro, tơmeăm vâ rak tơniăn, tơdroăng ‘na kế kâ... hiăng troh a tơring Núi Thành, kong pơlê Quảng Nam ‘mâi rơnêu pro.

PC Đak Nông ‘mâi rơnêu pro troăng kơxái on tơhrik a Búi Thành, Quảng Nam

A tíu tro tơ’nhiê, ai vâ chê tâi tâng troăng kơxái on tơhrik ki kân tro khía pro tơ’nhiê, pê kơtong trăng hên trăng ki ‘nâ hlối tơđôu, troăng kơxái kơtê, tro têa lu ƀă hía hé... Mâu kŏng nhân hiăng thâ séa ngăn mâu tíu vâ ’mâi rơnêu, pơkâ tơdroăng vâ pêi pro, xoăng tiô khu pêi tơniăn, hlối rĕng má môi. Kŏng nhân ngăn on tơhrik Dak Nông ôh tá xâu mơhé kong mêi, kong tô pêi cheăng plâ hâi vâ thế rĕng kêi  vâ kuăn pơlê Quảng Nam châ vêh xúa on tơhrik.

PC Đak Nông ‘mâi rơnêu pro troăng kơxái on tơhrik a Búi Thành, Quảng Nam

*** Péa khu djâ troăng ahdrối dêi Kŏng ti on tơhrik Dak Lak rơtế ai tŭm kơmăi kơmok rơxế, tơmeăm khoăng xuân hiăng lo lăm vâ kum kong pơlê Quảng Nam rơnêu troăng on tơhrik tro tơ’nhê klêi kơ’nâi kong mêi khía mơhot roh má 4.

Kŏng nhân on tơhrik Dak Lak dế mơdâng trăng on tơhrik a tơring Tiên Phước, Quảng Nam

Mâu kăn ƀô̆, kŏng nhân hiăng tơkŭm chiâng hên khu pêi cheăng rơnêu a mâu tơring Tiên Phước, Phú Ninh ƀă pơlê kong kơdrâm Tam Kỳ, kong pơlê Quảng Nam.

Kŏng nhân on tơhrik Dak Lak dế mơdâng trăng on tơhrik a tơring Tiên Phước, Quảng Nam

A kố, mâu kŏng nhân hiăng tơkâ hluâ mâu tơdroăng pá puât ‘na troăng prôk, tơnêi rơnâk, kong prâi, pêi pro pro ki nếo mơdâng mâu trăng on tơhrik kơđôu, toi kơxái on tơhrik ki kơtê, pro tơniăn mâu kơmăi klâ xoăng on tơhrik ƀă hía hé, mơ-eăm pêi kêi đeăng mâu hnoăng cheăng châ pơcháu pêi rĕng má môi.

VOV Tây Nguyên/Tơplôu: Gương-A Sa Ly