Kơxo lơ 3/2, a Tíu pêi cheăng Kăn xiâm hnê ngăn tơnêi têa, Ƀơrô Kăn xiâm hnê ngăn tơnêi tơkŭm po hôp khu chêh hlá tơbeăng Luât dêi hnoăng pơtân Kăn xiâm hnê ngăn tơnêi têa tơbleăng Luât khăm, pơlât nếo châ Kuô̆k hô̆i hneăng má XV, Hneăng hôp ôh tá tối hdrối roh má 2 tơbleăng ăm pêi pro ƀă châ tơƀrê sap ing hâi lơ 1/1/2024.

Luât khăm, pơlât ai 12 chương ƀă 121 troăng, tung mê ai pơkâ mâu tơdroăng ki nếo: ‘Na mơdêk ki dâi lĕm tơbleăng tơdroăng mơdró dêi tíu khăm, pơlât, luât hiăng tơ’nôm pơkâ pơklât thế mơnhên xêh tơdroăng khăm pơlât tiô pơkâ dâi lĕm xua Khu xiâm pơkuâ ngăn pơkeăng ƀă khăm pơlât tơbleăng ăm pêi pro tiô rêm hneăng rêm hơnăm ƀă thế tơ’nôm tơdroăng mơnhên châ tơƀrê mơnhên a kơmăi rak tơdroăng kal ‘na pơkuâ tơdroăng khăm, pơlât vâ pro xiâm kối ăm tơdroăng séa ngăn, mơnhên xuân môi tiah tơbleăng tơdroăng ‘na kơlo ki dâi lĕm dêi mâu tíu khăm, pơlât.