VOV4.Xơ Đăng - Tung măng t^ng hdrối, Vi [an hnê ngăn kong pơlê Lâm Đồng hiăng tơku\m po rôh hôp tơpui tơno pơla Kăn hnê ngăn Vi [an kong pơlê [ă droh rơtăm kong pơlê, Rôh hôp kố ai inâi ‘’Droh rơtăm Lâm Đồng [ă tơdroăng ki pơxiâm vâ pêi cheăng’’, châ tơku\m po ‘no tơdrêng ing troăng hyôh Internet [ă 12 tíu mơ’no a mâu tơring, pơlê kong kơdrâm tung kong pơlê. A rôh hôp, kăn hnê ngăn Vi [an kong pơlê Lâm Đồng tơhrâ kum ăm Khu râng liăn to\ng kum ki rơkê hơnăm ối nếo Khu pơkuâ ngăn Đoân droh rơtăm Lâm Đồng 3 rơtal liăn; môi tuăn to\ng kum rêm tơring, pơlê kong kơdrâm 200 rơtuh kum ăm droh rơtăm mâu tơring tung kong pơlê pơxiâm vâ pêi cheăng.

Vâ tơdroăng cheăng dêi Hô̆i đong hnê ngăn pêi tơ-brê tung la ngiâ, a hneăng hôp, mâu kăn hiăng tơbleăng hên tơdroăng cheăng xuân môi tiah pâ thế, tối dêi Kuô̆k hô̆i. Tiô pôa Nguyễn Minh Dũng, Kăn phŏ hnê ngăn Hô̆i đong kong pơlê Vĩnh Long, Vi ƀan pơkuâ cheăng Kuô̆k hô̆i kal rĕng pơkâ tơdroăng ‘na luât pơkâ pêi cheăng dêi Hô̆i đong vâ mâu kong pơlê hbrâ pêi tơdroăng cheăng, pêi tro tung mơjiâng pơkâ dêi râ tơná ăm tơtro ƀă tơdroăng ki ai khât.

‘’Vi ƀan pơkuâ cheăng Kuô̆k hô̆i kal pơkâ luât séa ngăn tơdroăng tơleăng mơnhên pâ thế dêi kuăn pơlê ăm i nhên, hleăng tâ. Tơdroăng tơleăng mơnhên săm phoăng, săm tơkêng mê luât hiăng ai tŭm tâi tâng, la luât pơkâ ƀă tơdroăng tơleăng mơnhên ki pâ thế hâi ai pơkâ vâ ‘mâi hơ’lêh. Ki khât gá nôkố mâu kơ koan tơleăng hrá, kuăn pơlê ôh tá môi tuăn, hên tơdroăng hâi châ tơkŭm tối a hneăng hôp mê, la drêng troh roh hôp kơ’nâi nếo ai hlá mơ-éa tiâ, hrá ‘nâng’’. 

Pôa Vương Đình Huệ, Kăn xiâm hnê ngăn Kuô̆k hô̆i tơpui mơgêi hneăng hôp

Tối mơgêi mơ’nui hneăng hôp, pôa Vương Đình Huệ, Kăn xiâm hnê ngăn Kuo#k  hô̆i khĕn kơdeăn tơdroăng cheăng dêi mâu kơ koan ki kuăn pơlê rah xo, tung hơnăm 2021, cho môi hơnăm ki kal, hơnăm apoăng tơbleăng tơdroăng pơkâ Hneăng hôp Đảng tung lâp tơnêi têa roh má 13, hơnăm tơkŭm tâ phĭu rah xo kăn Kuô̆k hô̆i, Hô̆i đong hnê ngăn kuăn pơlê rêm râ ƀă  malối cho hơnăm ai hên tơdroăng pá xua tơdjâk ó dêi pơreăng kân COVID-19.

‘’Môi tiah ai môi hyôh khía pê rơngiâp tâ, lê̆m tâ, rơkê ƀeăn, hriăn plê̆ng tâ, achê tơdroăng rêh ối tâ, ai tiô tơdroăng púi vâ tơdrêng dêi kơ koan kuăn pơlê rah xo dêi kong pơlê, tơring ƀă veăng ‘no hnoăng cheăng pêi kal khât tơdrêng ƀă khu cheăng kal kí, ing kăn xiâm pơkuâ hnê mơhno dêi Đảng, tơbleăng pêi kơtăng pơkâ hneăng hôp Đảng tung lâp tơnêi têa. Pơkâ hneăng hôp Đảng ƀô̆ mâu kong pơlê, veăng ‘no hnoăng cheăng tung lâp tơnêi têa pêi pro tro tiô pơkâ tơpéa tơdroăng, hlối hbrâ mơdât COVID-19 châ tơ-brê, hlối pơtối rak vế tơdroăng cheăng kâ ƀă mâu tơdroăng ki hmâ tơkâ luâ ‘mâi mơnhông cheăng kâ rêh ối’’.

Pakĭng tơkŭm po 2 rôh hôp tiah hmâ, hên kong pơlê, pơlê kong kân tơkŭm po hneăng hôp oh tá xê tiah hmâ vâ pơkâ hên tơdroăng kal ‘na tơdroăng hbrâ mơdât pơreăng COVID-19 tiô pơkâ 30 dêi Kuô̆k hô̆i hneăng 15 ƀă tơdroăng cheăng pêi mơnhông cheăng kâ rêh ối pơlê pơla tung kong pơlê.  Hô̆i đong rêm râ kong pơlê hiăng pơkâ hên tơdroăng pơkâ tro tiô luât ki kal tung tơdroăng pêi mâu  pơkâ mơnhông cheăng kâ-rêh ối, hbrâ mơdât COVID-19. Malối, ai hên tíu pê klêi mâu pơkâ ki pá ăm plâ hneăng.

‘Na troăng rơhlá, tơdroăng cheăng pêi ƀă mâu troăng rơhlâ tơdroăng pêi pro hơnăm 2022 dêi Hô̆i đong kong pơlê, pơlê kong kân, pôa Vương Đình Huệ, Kăn xiâm hnê ngăn Kuô̆k hô̆i hiăng tơbleăng 8 tơdroăng thế tơmâng, tung mê pâ thế, pơtối hnê vâ hlê tơdroăng cheăng dêi Hô̆i đong hnê ngăn kuăn pơlê châ pơkâ  tung Luât Tơkŭm mâu kăn kong pơlê. Pơtối tí tăng ngăn, mơjiâng ƀă pê klêi ƀă tơkŭm pêi tơdroăng tơkêa bro pơtối pơ’lêh nếo, mơdêk ki tơ-brê tung tơdroăng cheăng dêi Hô̆i đong rêm râ malối cho kong pơlê. 

Mơjiâng tơdroăng tơkêa bro ăm 5 hơnăm, tơrêm tơdroăng cheăng nhên. pêi tro má môi tơdroăng mơjiâng mâu kăn ‘na mơngế pêi cheăng môi tiah xo phĭu rah xo, tâ phĭu rah xo; pơkâ mâu tơdroăng ki kal tung mâu tơdroăng ƀă séa ngăn hôm pro tro tiô tơdroăng dêi luât ƀă luât a kong pơlê, séa ngăn hlá mơ-éa pơkâ dêi luât dêi Vi ƀan rơtế môi râ ƀă hlá mơ-eá dêi Hô̆i đong râ tơring.

Pôa Vương Đình Huệ, Kăn xiâm hnê ngăn Kuô̆k hô̆i tối nhên:

‘’Hô̆i đong hnê ngăn mâu kong pơlê, pơlê kong kân teăm pơkâ mâu tơdroăng vâ tơkŭm pêi tơdroăng ƀă séa ngăn tơkŭm pêi mâu pơkâ dêi Kuô̆k hô̆i, Chin phuh ƀă mơnhông cheăng kâ-rêh ối, liăn ngân tơnêi têa, ‘no liăn mơjiâng tơmeăm khoăng hơnăm 2022,  mâu tơdroăng pơkâ tơnêi têa, malối tơdroăng hbrâ mơdât COVID-19 pơla hơnăm 2022-2023 tiô troăng rơhlâ hmâ, tơniăn, tơ-brê hbrâ mơdât pơreăng COVID-19 ƀă tơdroăng ‘mâi mơnhông cheăng kâ rêh ối pơlê pơla. Kô ai pơkâ luât tơ’nôm thế séa ngăn 2 tơdroăng kố ƀă mâu pơkâ cheăng kâ-rêh ối dêi Kuô̆k hô̆i, Chin phuh ƀă tối mơgêi dêi Tíu xiâm’’.    

Pôa Vương Đình Huệ, Kăn xiâm hnê ngăn Kuô̆k hô̆i xup um tơbâ vế

Pôa Vương Đình Huệ, Kăn xiâm hnê ngăn Kuô̆k hô̆i pơkâ thế Hô̆i đong hnê ngăn mâu kong pơlê, pơlê kong kân mơdêk tơdroăng hnê tối ƀă xúa kŏng ngê̆ thong tin xúa tung pêi cheăng dêi Hô̆i đong hnê ngăn kuăn pơlê a mâu roh hôp ôh tá ai hlá mơ-éa, pơkâ ‘na đie#n tưh ing hơngế xua pơ’lêh kơxô̆, séa ngăn ƀă um méa; pơtối séa ngăn, pê klêi ƀă tơkŭm pêi tro pơkâ tơrŭm pơla Khu kăn Kuô̆k hô̆i ƀă Hô̆i đông hnê ngăn, khu kăn Hô̆i đong, mâu khu cheăng tung Hô̆i đong, ƀă Vi ƀan hnê ngăn, Vi ƀan Măt trâ̆n kong pơlê, pơlê kong kơdrâm vâ pơtối rak vế tơ-brê tơrêm kơ koan, khu tơrŭm cheăng.

Pakĭng mê, pêi tro pơkâ tơdah kuăn pơlê dêi khu kăn Hô̆i đong hnê ngăn kuăn pơlê, mâu kăn Hô̆i đong kong pơlê; Luât pơkâ roh hôp Hô̆i đong hnê ngăn kong pơlê vâ tơniăn tro tiô luât pơkâ tơkŭm môi tuăn kuăn pơlê ƀă pơtối rak hnoăng cheăng pêi, ki rơkê dêi pú hên.

Pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi, Vi ƀan pơkuâ cheăng Kuô̆k hô̆i pơtối mơnhên tơdroăng, pê klêi mâu hlá mơ-éa  hnê mơhno ƀă séa ngăn tơdroăng cheăng dêi Hô̆i đong hnê ngăn kuăn pơlê.

VOV1

Gương tơplôu ƀă tơbleăng