Kơxo hâi lơ 3/3 hiăng po Tơdroăng “Khế pái tíu tơkăng kong” ƀă pơxá “Tíu tơkăng kong Tơnêi têa á” rơtế a mâu kong pơlê ki achê tíu tơkăng kong. Tung mê, Tơdroăng “Khế 3 Tíu tơkăng kong: râ Xiâm tơnêi têa a 3 to kong pơlê Lạng Sơn, Quảng Trị ƀă Kiên Giang. Hên tơmeăm ai pơxúa châ Khu tơkŭm po diâp ăm khu lêng tơkăng kong, kuăn pơlê ƀă mâu phô̆m xông kân, mâu hơnăm ối nếo mâu cheăm tơring a chê 3 to kong pơlê Lạng Sơn, Quảng Trị ƀă Kiên Giang, môi tiah: hbru tơmeăm ăm rơpŏng ai hnoăng ki kơtiê ƀă hok tro kơtiê xơpá, kum ăm pơlái, kơlá ăm túa pêi pro “Pơlái a tíu tơkăng kong Việt”.

Má lối, tơbleăng mâu tơmeăm khoăng ai tâi tâng kơxô̆ liăn kơnâ lối 7,2 rơtal liăn. Krê a kong pơlê Lạng Sơn, tơdroăng pêi pro tơbâ troh mâu ngế ai hnoăng, tơbleăng pêi hên tơmeăm khoăng, tơdroăng cheăng dêi mâu droh rơtăm ƀă kơxô̆ liăn 4,7 rơtal liăn. Môi tung mâu tơdroăng pêi pro châ mơhnhôk kuăn pơlê veăng pêi pro cho tơdroăng cheăng khăm pơlât, hnê tối, ăm pơkeăng tê kơtê ăm lối 500 ngế kuăn pơlê ƀă mâu vâi o kơtiê xơpá a tíu tê mơdró tơkăng kong Chi Ma, Lạng Sơn.