VOV4.Xơ Đăng - Hâi lơ 1/7 teăng mâ Khu xiâm kal kí pôa Võ Văn Thưởng ngế cheăng tung khu xiâm kal kí,  Ngế xiâm chêh tôm xo rơkong tơbleăng Pơkâ hnê mơho kơxô̆ 14 dêi Khu xiâm kal kí ƀă pơtối mơdêk tơrŭm cheăng hnê mơhno dêi Đảng ƀă Khu  rơkê  ‘na luât Việt Nam tung tơdroăng nếo nôkố. Vâ pơtối mơdêk hnoăng cheăng pơkuâ dêi Đảng, pơtối rak lối tơdế hnoăng cheăng dêi Khu rơkê ‘na luât Việt Nam - khu tơrŭm cheăng kal kí - rêh ối pơlê pơla - Tơdroăng cheăng pêi; pơtối ‘mâi mơnhông tâi tâng, mơjiâng Khu rơkê ‘na luât Việt Nam rế xông rơdêi ‘na tơrŭm cheăng.

Hơ’lêh nếo rơdêi tơdroăng cheăng, troăng hơhlâ túa pêi cheăng dêi Khu; Pơtối rak hneăng cheăng dêi Khu rơkê ‘na luât tung mâu tơdroăng tơpui kâ ƀă kuăn pơlê; pơtối po rơdâ tơrŭm cheăng ƀă mâu khu tơrŭm mâu ngế ki rơkê tung kơpong ƀă lâp plâi tơnêi; kơhnâ mơ-eăm kring vế tuăn tơchĕng tơmiât dêi Đảng; Khu kăn xiâm Đảng, Chin phuh hnê mơhno Chin phuh rĕng pơkâ luât ‘na tơdroăng pơkâ kố; hnê mơhno ăm mâu khu xiâm, kơvâ cheăng ƀă mâu kăn kong pơlê pro tơ’lêi hlâu ăm tơdroăng cheăng dêi khu rơkê ‘na luât rêm râ tiô pơkâ dêi Luât ƀă hía hé.

Gương tơplôu ƀă tơbleăng