VOV4.Xơ Đăng - Kơxo lơ  24/5, rôh hôp má 3, Kuô̆k hô̆i hneăng 15 hiăng tâng tơdroăng tối tơbleăng séa ngăn ‘na mơgêi tơdroăng cheăng, tối tâi tâng tơdroăng pêi pro tiô pơkâ kơxô̆ 66 dêi Kuô̆k hô̆i  ƀă pơkâ mơnhông mơdêk tơdroăng tơkêa bro troăng kân Hồ Chí Minh  pơla rôh pơtối. Tiô hlá mơ-éa tối tơbleăng dêi Chin phuh, troh tâi hơnăm 2022 ối 2 rôh ƀă tâi tâng ki xŏn dâng 279 km hâi tơbleăng, tung mê nếo pro tơdâng ƀă mơhno ăm 3 rôh ƀă tâi tâng ki xŏn lối 108 km, tiô tối hdrối kô pê klêi tung pơla hơnăm 2021-2025.

Troh hơnăm 2021, tơdroăng tơkêa hiăng châ tơbleăng pê klêi dâng, 2.362 km, châ lối 86% ƀă dâng 258km troăng kŭn; dế pro 211km; hâi ăm liăn vâ tơbleăng pêi 171 km  ki u ối vâ tơdjêp a tâi tâng troăng Hồ Chí Minh. Tơbleăng séa ngăn dêi Vi ƀan Khoa hok, Kơmăi kơmok ƀă hyôh kong prâi vâ môi tuăn ƀă tơdroăng pơkâ ƀă môi tuăn ƀă hlá mơ-éa chêh tơdroăng kal ‘na tơdroăng tơkêa bro troăng Hồ Chí Minh châ chêh ‘mot tung Pơkâ tơchoâ dêi rôh hôp tiô hlá mơ-éa chêh dêi Chin phuh.

Gương tơplôu ƀă tơbleăng