VOV4.Xơ Đăng - Tơpui a rôh hôp má 2 dêi Hô̆i đong Tơ’noăng – Khê̆n kơdeăn Tơnêi têa po a kơxo lơ 14/4, pôa Phạm Minh Chính, Ngế pro xiâm hnê ngăn Chin phuh pơkâ thế, tơdroăng ki tơkŭm po tơdroăng tơ’noăng athế ai pơxúa tơƀrê khât ƀă cho tơdroăng ki rơhêng vâ sap ing kuăn pơlê. Hnoăng cheăng tơ’noăng khê̆n kơdeăn athế mơeăm tâ nếo, rơkê plĕng tâ, prôk tro tơdroăng ki kal, tro ki kal, kum pêi pro ƀlêi chiâng tơdroăng pơkâ Hneăng hôp 13 dêi Đảng, mâu tơdroăng pơkâ dêi Tơnêi têa, Kuô̆k hô̆i, Chin phuh dêi râ đảng rêm râ. Rĕng châ hlo, hnê tối khu pú hên, mâu ngế krê ki rơkê tung hbrâ mơdât pơreăng Covid-19, hbrâ mơdât kâ luâ, pro mơhrê liăn ngân, mâu ngế ki djâ troăng ahdrối kơhnâ rơkêtung hnoăng cheăng, tung tơdroăng cheăng kâ, hriâm tâp ƀă tơdjâk ƀă po rơdâ. Ngế pro xiâm hnê ngăn tơnêi têa tối nhên, mâu tơdroăng tơ’noăng kal veăng kum mơdêk tơdroăng ki xut 100 toăng hngêi xi kơchoh a tâi tâng 74 to tơring kơtiê ƀă kơxô̆ liăn Tơnêi têa ƀă mơhnhôk veăng tơlo sap ing pơlê pơla, tung mê kơjo kum ăm mâu ngế ki ai hnoăng, rơpŏng ki ai troăng hơlâ tŏng kum, kơpong pro kăch măng, mâu kơpong ki xơpá.

Katarina Nga tơplôu ƀă tơbleăng