Tiô Khu xiâm  kŏng ti ngăn ‘na On tơhrik kơpong tơdế tơnêi têa (EVNCPC), hơnăm 2024 tối ivá mơ’no hên kô châ 4.194 MW, tâk lối 10% tâng pơchông ƀă hơnăm hdrối. Tung pơla kong tô ó môi tiah nôkố, on tơhrik mơ’no troh 87,6 rơtuh kWh/hâi.  Hlo ti mê, EVNCPC hiăng hnê mơhno mâu tíu pêi cheăng tung khu tơkŭm tâi ivá, tơbleăng pêi kơtăng mâu tơdroăng cheăng mơdêk hnoăng cheăng mơhno on tơhrik ăm kuăn pơlê. 

Ing mê, mơ’no ivá on tơhrik troh 1.095MW sap ing hngêi kơmăi mơ’no on tơhrik, mơ’no on tơhrik kơtâu ing mâ hâi a kuâ hngêi dâng 1.970MW, ƀă on tơhrik kô hrik xo xêh ing troăng on tơhrik tơnêi têa. Kơvâ ngăn on tơhrik mâu kong pơlê, pơlê kong kơdrâm kơpong Tơdế tơnêi têa - Tây Nguyên mơdêk hnoăng cheăng pêi mâu tơdroăng  tơkêa bro ‘no liăn mơjiâng pro tiô pơkâ, kơdroh mơ’no a mâu troăng kơxái, kơmăi biến áp ki dế kơtâu.

Tung pơla chôu kong tô ó môi tiah nôkố, mâu tíu pêi cheăng ôh tá pêi tơdroăng mê thế pơtê, kơdroh 'no on tơhrik, lôi to mâu tíu ki dế ‘mâi rơnêu tê. Pakĭng mê, mơdêk  hnoăng cheăng rak ngăn tơniăn drêng trâm xía vâ tung pơla 2 chôu, rĕng mơ’no on tơhrik vâ ăm kuăn pơlê xúa.