VOV4.Xơ Đăng - Tơdroăng pơkâ dêi Tơnêi têa ‘na mơnhông mơdêk cheăng kâ rêh ối pơlê pơla kơpong hdroâng kuăn ngo ƀă peăng kong ngo hneăng hơnăm 2021 – 2030 pơxiâm châ tơbleăng a mâu tơring, cheăm sap ing apoăng hơnăm kố, rế tối rơdêi tơdroăng tơhrâ dêi Chin phuh tung pêi pro mâu tơdroăng pơkâ mơnhông krá tơniăn, tơmiât troh rak vế ‘’Ôh tá lôi ngế ki lâi pá rŏng’’. Ngế chêh hlá tơbeăng cheăng tung Rơ’jiu Việt Nam ai kơ-êng pôa Hầu A Lềnh, ngế xiâm pơkuâ, kăn pơkuâ Vi ƀan hdroâng kuăn ngo ‘na hnoăng cheăng hbrâ rơnáu vâ tơdroăng ai pơxúa kân kố tơbleăng châ tơƀrê.

Ô pôa, hơnăm 2022 cho hơnăm ki apoăng tơdroăng pơkâ dêi tơnêi têa ‘na mơnhông mơdêk cheăng kâ rêh ối pơlê pơla kơpong hdroâng kuăn ngo ƀă peăng kong ngo hiăng pơxiâm châ tơbleăng hneăng má 1 a tơring, cheăm. Pâ pôa ăm ‘nâi ‘na mâu tơdroăng ki kal kô châ kơjo kum tung tơdroăng ki xing xoăng liăn ăm hneăng má 1 dêi tơdroăng pơkâ dêi tơnêi têa rôh kố tơkŭm tung mâu tơdroăng ƀă kơvâ cheăng ki môi tiah lâi?

-Pôa Hầu A Lềnh: Tung tơdroăng pơkâ dêi Tơnêi têa ‘na mơnhông mơdêk cheăng kâ rêh ối pơlê pơla kơpong hdroâng kuăn ngo ƀă peăng kong ngo hneăng hơnăm 2021 -2030 ƀă hneăng má môi hơnăm 2021 – 2025 ai 10 tơdroăng tơkêa tơkŭm. Laga, ki apoăng a hơnăm 2022, pro ivá ăm mâu hơnăm ki pơtối, Vi ƀan hdroâng kuăn ngo hiăng môi tuăn ƀă mâu Khu xiâm, kơvâ cheăng, Tơnêi têa ƀă ăm mâu túa pơkâ xing xoăng liăn.

Mê cho tơkŭm tŏng kum ki hdrối tâ cho tơdroăng ‘na hngêi ối, tơnêi ối, tơnêi pêi, têa ôu. Kố cho mâu tơdroăng ki kuăn pơlê kal khât. Má péa, cho pêi klêi tơdroăng ki pơkâ môi tuăn pơla Tơnêi têa ƀă kong pơlê xuân kal athế ai hên liăn ngân.

Má 3, cho tơkŭm tung tơdroăng ki hơ’lêh kơxô̆ ƀă ki kal cho mơjiâng mâu chih xô̆, tơdroăng pơkâ mơnhên tối tung pơla tơkŭm pêi pro tơdroăng. Prôk ƀă mâu hnoăng cheăng kố, mê ngin xuân xing xoăng môi iâ liăn tung hơnăm 2022 ăm mâu kơvâ cheăng ki ê môi tiah kơvâ khăm pơlât, kơvâ hnê hriâm, kơvâ mơhno túa lĕm tro, tá tơdroăng cheăng lêng gak kring, mê nếo cho hnoăng cheăng hnê tối, mơhnhôk, mê nếo cho tơdroăng ki hnê, mơdêk ki rơkê ăm kăn ƀô̆ rak ngăn a rêm râ tung tơdroăng ki tơkŭm po tơbleăng tơdroăng.

Ƀă tơmâng ngăn troh tơdroăng ki séa ngăn Khu ki hnê mơhno sap ing Tơnêi têa troh kong pơlê vâ rak tơniăn môi tuăn tơdâng tơ’mô pơla Tơnêi têa ƀă kong pơlê.

Pôa Hầu A Lềnh, Ngế xiâm, Kăn pơkuâ Vi-[an hdroâng kuăn ngo

Ê! Tiah mê, kăn xiâm mơnhên môi tiah lâi ‘na mâu tơdroăng ki tơ’lêi hlâu ƀă xơpá drêng tơbleăng tơdroăng pơkâ dêi tơnêi têa tung pơla tơnêi têa dế tro tơdjâk ó ‘na cheăng kâ rêh ối pơlê pơla xua pơreăng COVID-19?

Pôa Hầu A Lềnh: ‘Na mâu tơdroăng ki tơ’lêi hlâu dêi tơdroăng, mê hdrối tâ cho tung pơkâ ‘no liăn dêi Ngế pro xiâm hnê ngăn Chin phuh hiăng rak tơniăn xing xoăng tŭm liăn ăm tơdroăng kố cho 104 rơpâu rơtal, hneăng hơnăm sap ing nôkố troh 2025. Tơdroăng pơkâ hiăng tŏng kum ƀă kuăn pơlê hiăng hlê plĕng tơdroăng kố ki apoăng.

Mâu tơdroăng tơkêa ki kŭn tung tơdroăng châ mơjiâng tung tơdroăng ki tơkŭm tơdroăng ki rơhêng vâ xuân môi tiah tung pơla séa ngăn nhên mâu kong pơlê, mâu khu xiâm, kơvâ cheăng, mê tơdroăng ki tơbleăng ki kố pêi pro châ tiô tơdroăng rơhêng vâ loi tơngah ki kal má môi ai ivá vâ mơdêk dêi kuăn pơlê, mơ-eăm xêh vâ hluăn kơtiê.

Laga, xuân u ối mâu tơdroăng ki pá puât. Tơkâ hluâ pơrea\ng kân tung pơla kố nah, tơdroăng rêh ối dêi vâi krâ kuăn pơlê dế trâm pá pơtối trâm hên pá puât tâ. Tiah mê, ivá pêi cheăng tung vâi krâ kuăn pơlê kô trâm pá puât tâ. Mâu tơdroăng ki tơdâng dêi pó mâu pơlê xuân hiăng pá tâ hên tâng pơchông [a\ apoăng mơnhên tơdroăng pêi.

Ngế xiâm hnê ngăn Vi ƀan Hdroâng kuăn ngo Hầu A Lềnh

Pak^ng mê, tơdroăng ki ai khât nôkố kô ai tung tơdroăng tơku\m pêi pro tơdroăng cheăng, pơtih tơdroăng ki ai rơpo\ng kơtiê cheăm kơtiê ing tơdroăng vêh séa ngăn kơklêa kơtiê hơnăm 2021 tiô pơkâ tơtro hên troăng nếo. Tiah mê, tơdroăng po rơdâ tơ’nôm mơngế, tơ’nôm kơpong vâ pro kơdroh kơlo mơ’no liăn cheăng. Tâng ôh tá mơ’no troh mâu thôn mê kô pro kuăn pơlê tô tuăn, kal thế ai môi tơdroăng ki tiâ [a\ tơ’nôm tơtro.

Mê cho mâu tơdroăng pá puât ki ngin mơnhên a ngiâ [a\ xuân dế ai mâu troăng vâ tơru\m [a\ mâu khu xiâm, kơvâ cheăng, kong pơlê vâ tơleăng mâu tơdroăng kố.

{a\ mâu tơdroăng pá puât môi tiah Ngế xiâm nếo tối mê, vâ pêi pro tơdroăng châ tơ-[rê sap apoăng mê mâu kơvâ cheăng ki tơdjâk [a\ mâu kong pơlê kal pêi pro mâu tơdroăng klâi vâ mơdât tơdroăng ki mơ’nhê tê kơtê, lơ thăm nếo cho kâ kơhveăm drêng pêi pro mâu tơdroăng tơkêa bro?

Pôa Hầu A Lềnh: Tiô á tơdroăng mơdât mơ’nhê tê kơtê tung tơdroăng tơku\m pêi pro tơdroăng, thăm nếo mâu tơdroăng kâ kơhveăm, mơni ai. Laga tiô tơdroăng hnê mơhno dêi Đảng [a\ Tơnêi têa, mâu mơ-éa, pơkâ ‘na to\ng kum, hnoăng cheăng, xing xoăng hnoăng dêi mâu râ kô pro kơdroh tâi tâng mâu tơdroăng ki mê. Tung mê, ai môi troăng pêi ki kal păng ‘nâng. Mê cho tơdroăng mơjiâng pro mơ-éa kal mơnhên nhên hnoăng cheăng, hnoăng pêi cheăng [a\ cho kal khât păng ‘nâng, mê cho hnoăng dêi rêm râ.

Pak^ng mê tơdroăng pêi pro kơtăng dêi mâu kơ koan pơkuâ tơnêi têa mê kal thế mơhnhôk séa ngăn dêi Kuo#k ho#i, Ho#i đong kuăn pơlê mâu râ [a\ ki rơhêng vâ tối cho tơdroăng ki veăng séa ngăn dêi Mât tra#n Tơnêi têa, mâu khu cheăng kal kí rêh ối pơlê pơla [a\ tơdroăng séa ngăn dêi kuăn pơlê, xuân môi tiah cho dêi mâu kơ koan pơtâng tối.

Tiô á tâng pêi pro tơdâng tơ’mô tâi tâng mâu troăng pêi kố mê kô kơdroh mâu tơdroăng mơ’no liăn ôh tá tro, ôh tá tro tíu, ôh tá tro mơngế lơ mâu tơdroăng ki vâ kâ kơhveăm ing troăng hơlâ. Ngin xuân hiăng tơtro\ng tơdroăng kố tung tơdroăng mơjiâng mâu mơ-éa, pơkâ.

-Ê! Pâ mơnê Ngế xiâm hiăng mơdoh chôu tơpui tơno ‘na tơdroăng kố!

Katarina Nga tơplôu ƀă tơbleăng